kadalundi offers magical river experience

കടലുണ്ടി വിളിക്കുന്നു

വളരെ ചുരുങ്ങിയ ചെലവിൽ അതിശയിപ്പിക്കുന്ന തോണിയാത്ര
പന്തല്‍ പോലെ പടര്‍ന്നു കിടക്കുന്ന കണ്ടല്‍വനങ്ങള്‍.അവയുടെ തണലിലൂടെ പുഴയുടെ ഭംഗി കണ്‍നിറയെ കണ്ട് തുരുത്തിലെ കുടിലുകളെയും ഭക്ഷണത്തെയും അറിഞ്ഞ് മനോഹരമായ ഒരു തോണിയാത്രയാണ് കടലുണ്ടി സമ്മാനിക്കുന്നത്. കടലുണ്ടിയിലെ പക്ഷി സങ്കേതത്തിലൂടെയാണ് വളരെ ചുരുങ്ങിയ ചെലവിൽ അതിശയിപ്പിക്കുന്ന യാത്ര ഒരുക്കിയിരിക്കുന്നത്.
കടലുണ്ടി കമ്യൂണിറ്റി റിസർവിൽ നിന്നാരംഭിക്കുന്ന യാത്ര അറബിക്കടലിന്റെ അഴിമുഖത്തെത്തി തുടങ്ങിയിടത്തുതന്നെ തിരിച്ചെത്തുന്ന രീതിയിലാണ് ക്രമീകരിച്ചിരിക്കുന്നത്
യാത്രയിൽ നാല് തുരുത്തുകൾ പിന്നിടും. നിരവധി വിഭാഗത്തിൽപ്പെട്ട കണ്ടലുകളെ പരിചയപ്പെടാം. അപൂർവ കണ്ടൽ സന്പത്തുകളുടെയും ദേശാടനപ്പക്ഷികളുടെയും കേന്ദ്രമായതിനാൽ പ്രകൃതിക്ക് കോട്ടംതട്ടാത്ത രീതിയിലാണ് പദ്ധതി തയ്യാറാക്കിയത്.പത്തുപേർക്ക് 1500 രൂപയാണ് ഇവർ ഈടാക്കുന്നത്. യാത്രയിൽ ഊണിനൊപ്പം കടലുണ്ടിപ്പുഴയിലെ കരിമീൻ പൊരിച്ചത്, ഞണ്ട് ഫ്രൈ, മുരു ഇറച്ചി ഫ്രൈ, ചെമ്മീൻ ഫ്രൈ, കപ്പ, പത്തിരി, ചപ്പാത്തി എന്നിവയാണ് ഭക്ഷണം. ഇതിന് വേറെ തുക നൽകണം.പരിസ്ഥിതിക്ക് യാതൊരുവിധ കോട്ടവും തട്ടാതെയുള്ള തോണി യാത്രയാണ് പദ്ധതിയിലൂടെ വിഭാവനം ചെയ്യുന്നത്. അതുകൊണ്ട് തന്നെ ഇവിടെ യന്ത്രവത്കൃത വള്ളങ്ങൾ അനുവദിച്ചിട്ടില്ല

#malayalamnews#News60ML

خبریں