വ്യാജചിത്രം പരിശോധിക്കാന്‍ വാട്‌സാപ്പിനുള്ളില്‍ ഗൂഗിള്‍ സെര്‍ച്ച്

ചിത്രങ്ങളുടെ ആധികാരികത പരിശോധിക്കുന്നതിനായി വാട്‌സാപ്പിനുള്ളില്‍ തന്നെ ഇമേജ് സെര്‍ച്ച് അവതരിപ്പിക്കാനുള്ള ശ്രമത്തിലാണ് കമ്പനി

ഏറെ ജനപ്രിയമായ വാട്‌സാപ്പ് ആപ്ലിക്കേഷന്‍ വ്യാപകമായി ദുരുപയോഗം ചെയ്യപ്പെടുന്നുണ്ടെന്ന വിമര്‍ശനം ഏറെ നാളുകളായുണ്ട്
എന്‍ക്രിപ്റ്റഡ് സൗകര്യത്തിന്റെ ചുവടുപിടിച്ച് വ്യാജവാര്‍ത്തകളും തെറ്റിദ്ധാരണാജനകമായ വിവരങ്ങളും ചിത്രങ്ങളും വീഡിയോകളും കുറ്റകരമായ ഉള്ളടക്കങ്ങളും വാട്‌സാപ്പില്‍ പ്രചരിക്കുന്നുണ്ട്. ഇന്ത്യയില്‍ ആള്‍കൂട്ട കൊലപാതകങ്ങളും ആള്‍കൂട്ട സംഘര്‍ഷങ്ങളും വാട്‌സാപ്പ് ഹര്‍ത്താലുകളും വരെ നടക്കുകയുണ്ടായി. ഇതിനെ തുടര്‍ന്ന് ഇന്ത്യ ഉള്‍പ്പടെ ലോകത്തിന്റെ വിവിധ ഭാഗങ്ങളില്‍ നിന്നും വാട്‌സാപ്പ് നിരന്തരം വിമര്‍ശനങ്ങള്‍ നേരിടുന്നുണ്ട്. അങ്ങനെയാണ് വ്യാജവും കുറ്റകരവുമായ ഉള്ളടക്കങ്ങളുടെ പ്രചാരണം തടയുന്നതിനായുള്ള ഫീച്ചറുകള്‍ അവതരിപ്പിക്കാന്‍ വാട്‌സാപ്പ് നിര്‍ബന്ധിതരായത്. ഫോര്‍വാഡ് ലേബല്‍, സസ്പീഷ്യസ് ലിങ്ക്, ഫോര്‍വാഡ് സന്ദേശങ്ങളുടെ എണ്ണത്തിലുള്ള നിയന്ത്രണം തുടങ്ങിയവ അതില്‍ ചിലതാണ്. ദിവസങ്ങള്‍ക്ക് മുമ്പാണ് വാട്‌സാപ്പില്‍ വൈറലാവുന്ന വ്യാജ ഉള്ളടക്കങ്ങളെ നിയന്ത്രിക്കാന്‍ കൂടുതല്‍ സംവിധാനങ്ങള്‍ അവതരിപ്പിക്കുമെന്ന് വാട്‌സാപ്പ് ഇന്ത്യാ മേധാവി അഭിജിത്ത് ബോസ് പറഞ്ഞത്.
ഇപ്പോഴിതാ വാട്‌സാപ്പില്‍ വരുന്ന ചിത്രങ്ങളുടെ ആധികാരികത പരിശോധിക്കുന്നതിനായി വാട്‌സാപ്പിനുള്ളില്‍ തന്നെ ഇമേജ് സെര്‍ച്ച് അവതരിപ്പിക്കാനുള്ള ശ്രമത്തിലാണ് കമ്പനി.
വാബീറ്റാ ഇൻഫോ വെബ്സൈറ്റാണ് ഈ വിവരം പുറത്തുവിടുന്നത്. വാട്‌സാപ്പിന്റെ 2.19.73 ആന്‍ഡ്രോയിഡ് ബീറ്റാ പതിപ്പിലാണ് വാട്‌സാപ്പില്‍ ഗൂഗിള്‍ ഇമേജ് സെര്‍ച്ച് സേവനം സംയോജിപ്പിച്ചിരിക്കുന്നത്. ഒരു പുതിയ ചിത്രം വാട്‌സാപ്പില്‍ ലഭിക്കുമ്പോള്‍ ആ ചിത്രത്തില്‍ ലോങ് പ്രസ് ചെയ്താല്‍ സെര്‍ച്ച് ഇമേജ് ഓപ്ഷന്‍ ലഭിക്കും. ഗൂഗിള്‍ ഇമേജ് സെര്‍ച്ച് വഴിയുള്ള അന്വേഷണത്തില്‍ ആ ചിത്രവുമായി ബന്ധപ്പെട്ട കൂടുതല്‍ വിവരങ്ങള്‍ അറിയാനാവും.
ഗൂഗിളിന്റെ ഔദ്യോഗിക എപിഐ പ്രയോജനപ്പെടുത്തിയാണ് വാട്‌സാപ്പ് ഈ സേവനം തയ്യാറാക്കിയിരിക്കുന്നത്.
പഴയ ചിത്രങ്ങളില്‍ പലതും ഉപയോഗിച്ചുള്ള വ്യാജ സന്ദേശങ്ങള്‍ വാട്‌സാപ്പില്‍ വ്യാപകമായി പ്രചരിക്കാറുണ്ട്. അത്തരം സന്ദേശങ്ങളുടെ ആധികാരികത പരിശോധിക്കാതെ പലരും അവ മറ്റുള്ളവര്‍ക്ക് പങ്കുവെക്കുകയും ചെയ്യും. ഗൂഗിള്‍ ഇമേജ് സെര്‍ച്ച് വാട്‌സാപ്

#indianews#todaynews#News#dailynews#onlinenews#politicalnews#WORLDNEWS#IndiaToday#keralanews#Kerala#Exclusivenews#trending#LATSETNEWS#entertainmentnews#malayalamnews#HotNews#eveningnews#news2018#annnews#news60#latestindiannews#southindiannews#periodnews#happyhours#newlyuploaded#informatives#keralatoday#worldtoday#anweshanam#todayspecials

बातम्या