સુરતના મંદિરમાં થઈ લાખોની ચોરી, ચોરીની ઘટના CCTVમાં કેદ, જુઓ વીડિયો

સુરતમાં તસ્કરો બેફામ બન્યા છે. સુરતમાં જાણે હવે અપરાધીઓને પોલીસનો ડર ન રહ્યો હોય તેવું લાગી રહ્યું છે કારણકે સુરતમાં દિવસેને દિવસે ચોરી, લૂંટ જેવી ઘટનાઓમાં સતત વધારો થતો જાય છે. ચોર-તસ્કરો લોકોના ઘરમાં, કારખાનાઓમાં અને ઓફિસમાં ચોરી કરતા હતા પરતું હવે સુરતમાં ભગવાનનું મંદિર પણ સુરક્ષિત રહ્યું નથી. આ ઘટના છે સુરતના ખરવાસા રોડ પર આવેલા એક મંદિરની કે જ્યાં મોડી રાત્રે ચોર મંદિરમાં પ્રવેશે છે અને મંદિરમાંથી લાખોના મુદ્દામાલની ચોરી કરી ફરાર થઈ જાય છે.

આ સમગ્ર મામલે વાત કરવામાં આવે તો સુરતના સચીન વિસ્તારના ખરવાસા રોડ પર આવેલા સ્વામી તેજાનંદ મંદિરમા રાત્રીના અઢી વાગ્યાના અરસામાં બે ચોર ઇસમો પ્રવેશ કરે છે અને મંદિરમાં રહેલી ભગવાનની મૂર્તિ, મૂકુટ, સિંહાસન ઝૂમ્મર સહિત લાખોની વસ્તુની ચોરી કરીને ફરાર થઈ જાય છે. ઘટનાની જાણ સચીન પોલીસને થતાં પોલીસ ઘટના સ્થળે પહોંચી હતી અને CCTV ફૂટેજના આધારે ચોર ઇસમોને પકડવા માટે તપાસ શરૂ કરી છે. ઉલ્લેખનીય છે કે, જે મંદિરમાં ચોરીની ઘટના બની છે ત્યાં અગાઉ પણ આ મંદિરમાં મંદિરના મહંતમાં મર્ડર વીથ ચોરીની ઘટના બની ચૂકી છે.

#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews#theft#Surat#SuratPolice

ଖବର