જેતપુર તાલુકાના ખેડૂતોએ કોને આપ્યું આવેદનપત્ર

રાજકોટ જિલ્લાના જેતપુર તાલુકાના ચારણીયા, સ્ટેશન વાવડી સહિતના ચાર ગામોના ખેડૂતોએ ભગવાનને આવેદનપત્ર આપ્યું હતું. જેતપુર ખાતે સુરવો ડેમ-1 બન્યો ત્યારથી આજ સુધીમાં એક પણ વાર માઈનોર કેનાલમાં પાણી આપવા બાબતે અનેકવાર રજૂઆત કરવા છતાં પાણી ન આપતાં ચારણીયા ગામ ખાતે ખેડૂતોએ ભગવાન સરકારને સદબુદ્ધિ આપે અને કેનાલમાં પાણી છોડે તે માટે રેલી કાઢી ભગવાનને આવેદનપત્ર આપ્યું હતું.

અમરેલી જિલ્લાના વડીયા ગામના ઉપરવાસ વિસ્તારમાં પચ્ચીસેક વર્ષ પૂર્વે સુરવો ડેમ-1 બનાવવામાં આવ્યો હતો અને ડેમનું પાણી પિયત માટે મળી રહે તે માટે કેનાલ પણ બનાવવામાં આવી હતી. જેમાં અમરેલી જિલ્લાના વડીયા અને બાંટવા દેવળી તેમજ જેતપુર તાલુકાના ચારણીયા અને સ્ટેશન વાવડી ગામોને માઈનોર કેનાલ દ્વારા પાણી આપવાનું નક્કી થયું હતું અને તે માટે ખેડૂતોની જમીન સંપાદન કરાવ્યા બાદ માઈનોર કેનાલ પણ બનાવવામાં આવી, પરંતુ કેનાલ બની ત્યારથી અત્યાર સુધીમાં સુરવો ડેમ અનેકવાર ઓવરફ્લો થયો જેમાં ચાલુ વર્ષે પણ ઓવરફ્લો થયો હતો પણ ડેમ બન્યો ત્યારથી આજ સુધીમાં એકપણ વાર આ ચાર ગામોને કેનાલ દ્વારા પાણી જ ન મળ્યું. જેથી ખાલી કેનાલમાં ઝાડી ઝાંખરા ઉગી નીકળ્યા છે.

ચાલુ વર્ષે વરસાદ પણ નહિવત પડતા ખેડૂતોનો મોટા ભાગનો પાક સૂકાઈ ગયો. પરંતુ થોડો ઘણો પાક ખેતરમાં ઊભો છે તેને જીવતદાન મળી જાય તે માટે અને રવિ પાક માટે સરકાર આ માઈનોર કેનાલમાં પાણી છોડે તેવી માંગણી સાથે પંદરેક દિવસ પહેલાં કેનાલમાં રંગોળી દોરી તેમાં દીવડાંઓ કરી રામધૂન બોલાવીને ખેડૂતોએ વિરોધ દર્શાવ્યો હતો. આમ છતાં હજુ સરકાર દ્વારા કેનાલમાં પાણી છોડવા બાબતે કંઈ પગલા ન લેતાં આજે ચારણીયા ગામ ખાતે ખેડૂતો દ્વારા ફરી રામધૂન બોલાવી ગામમાં જ એક રેલી યોજી હતી અને જય જવાન જય કિસાન તેમજ ઈન્કલાબ ઝીંદાબાદના નારા સાથે ગામના ચોરે આવેલાં મહાદેવના મંદિરે દેવાધિદેવ મહાદેવને લેખિત આવેદનપત્ર આપીને રજૂઆત કરી હતી.

Know more on https://www.khabarchhe.com
Follow US On:

Facebook - https://www.facebook.com/khabarchhe/
Twitter - https://www.twitter.com/khabarchhe
Instagram - https://www.instagram.com/khabarchhe/
Youtube - https://www.youtube.com/khabarchhe

Download Khabarchhe APP
https://www.khabarchhe.com/downloadApp

Watch જેતપુર તાલુકાના ખેડૂતોએ કોને આ

By Khabarchhe| 461 views