કાશ્મીરીઓ પર કોણ ગુજારી રહ્યું છે ત્રાસ, જુઓ વીડિયો

ભારતના અભિન્ન અંગ એવા જમ્મુ-કાશ્મીરમાં વર્ષોથી પાકિસ્તાન અને તેના પ્રેરિત આતંકવાદીઓના કહેવાતા આકાઓ એવો રાગ આલાપે છે કે, જમ્મુ-કાશ્મીરમાં સુરક્ષા દળો દ્વારા કાશ્મીરીઓ પર બેરહેમી ગૂજારવામાં આવે છે. પરંતુ તાજેતરમાં જ અનંતનાગમાં આતંકવાદીઓ દ્વારા ગુજારાતા જૂલ્મનો આ વીડિયો બહાર આવતા કેન્દ્ર સરકાર અને સ્થાનિક સુરક્ષા દળો પણ ચોંકી ઉઠ્યા છે. આવો આ વિશેષ અહેવાલમાં જાણીએ ક્યાંનો છે આ વીડિયો.

ધરતી પરનું સ્વર્ગ એટલે જમ્મુ-કાશ્મીર, પણ વર્ષોથી આ કાશ્મીર પર પાકિસ્તાનનો નાપાક ડોળો મંડરાયેલો છે અને તેના કારણે કાશ્મીર ખીણમાં આતંકવાદી ગતિવિધિઓ ખૂબ મોટા પ્રમાણમાં ફેલાયેલી છે. ભારતના અભિન્ન અંગ સમાન જમ્મુ-કાશ્મીરને અલગ રાજ્યનો દરજ્જો તો મળ્યો જ છે પણ સાથે સાથે વિશેષ રાજ્ય તરીકેના પણ લાભ આપવામાં આવ્યાં છે. જમ્મુ-કાશ્મીરમાં વ્યાપેલા આતંકવાદ માટે પણ રાજકીય પક્ષો એકબીજા ઉપર કાદવ ઉછાળી રાજનીતિ કરી રહ્યાં છે. જમ્મુ-કાશ્મીરની કંઈ કેટલીય રાજ્ય સરકારો આવીને ગઈ, પણ આતંકવાદ હજુ નથી નીકળી શક્યો. આની પાછળ એવું કહેવાય છે કે, કાશ્મીરના પ્રાદેશિક પક્ષો ઉપરાંત અલગાવવાદી નેતાઓ રાજ્યની આ સ્થિતિ માટે જવાબદાર છે. છેલ્લે જમ્મુ-કાશ્મીરમાં PDP અને ભાજપના ગઠબંધનની સરકાર બની પરંતુ, આ સરકારના પણ છૂટાછેડા થઈ ગયા. કેમ કે, બન્ને પક્ષના નેતાઓ હૂંસાતૂંસીમાં રચ્યા પચ્યા રહેતા હતા અને રાજ્યની મૂળભૂત સમસ્યાને નિવારવા માટે કોઈ પ્રયાસ નહોતા કરતા. એટલે ભાજપે જમ્મુ-કાશ્મીરમાં PDP સરકારને આપેલો ટેકો પાછો ખેંચી લીધો.

#JammuKashmir#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews

വാർത്തകൾ