शिवसेनेचा मुख्यमंत्र्यांना टोला , फडणवीस मावळते मुख्यमंत्री असल्याची केली टीका

निवडणूक होऊनसुद्धा राज्यात सरकार स्थापनेचा तिढा अजून काही सुटलेला नाही,याच पार्शवभूमीवर शिवसेनेने राज्यातील सत्ता स्थापनेवरून 'सामना'च्या अग्रलेखातून भाजप आणि केंद्र सरकारवर पुन्हा हल्ला चढवला आहे. दिल्ली गढूळ झाल्याची टीका करत देवेंद्र फडणवीस हे मावळते मुख्यमंत्री असल्याचा टोला शिवसेनेने लगावला आहे.सत्तास्थापनेचा घोळ घालायचा आणि परिस्थितीचा लाभ घेऊन सरकार नसतानाही अप्रत्यक्षपणे हातात सूत्रे ठेवून राज्यकारभार हाकायचा हे घटनाविरोधी आहे. नवे राज्य मोकळ्या वातावरणात यावे, पण एकदाचे राज्य यावे हीच अपेक्षा आता संपूर्ण राज्याला लागलेली आहे. महाराष्ट्राच्या जनतेने आता 'कौल' दिला आहे. दिल्लीच्या गढूळ वातावरणातून मावळते मुख्यमंत्री महाराष्ट्रात उतरतील तेव्हा त्यांना पुढचे पाऊल टाकावेच लागेल. त्यांच्या पावलावरच राज्याची पुढची दिशा ठरेल. सध्या आम्हाला चिंता आहे ती ओल्या दुष्काळाची आणि महागलेल्या भाजीपाल्याची, अशी चिंता व्यक्त करत शिवसेनेने भाजपवर पुन्हा एकदा निशाणा साधला आहे.

Watch शिवसेनेचा मुख्यमंत्र्यांना टोला , फडणवीस मावळते मुख्यमंत्री असल्याची केली टीका With HD Quality

#News#Metro

સમાચાર