B S Yedyurappa: The King of South India

'യെദ്യുരപ്പയാണ് താരം''


കര്‍ണാടക തിരഞ്ഞെടുപ്പോടെ താരമായത് യെദ്യുരപ്പ മാത്രം


ദക്ഷിണേന്ത്യയില്‍ ബി.ജെ.പി ആദ്യമായി താമര വിരിയിച്ചത് ബി. എസ്. യെദ്യൂരപ്പയിലൂടെയായിരുന്നു. കര്‍ണാടകത്തില്‍ അന്നുവരെയുണ്ടായിരുന്ന ദളിന്റെയും, കോണ്‍ഗ്രസിന്റെയും മേധാവിത്വത്തെ തകര്‍ത്തെറിയാന്‍ ബി.ജെ.പിയെ സഹായിച്ചത് യെദ്യൂരപ്പയുടെ ചാണക്യ തന്ത്രങ്ങളായിരുന്നു.ഒരുവട്ടം കൂടി പാര്‍ട്ടി യെദ്യൂരപ്പക്ക് സംസ്ഥാന ബി.ജെ.പിയുടെ ചുമതല കൈമാറിയത് 2018-ലെ നിയമസഭാ തിരഞ്ഞെടുപ്പ് മുന്നില്‍ കണ്ടാണ്. ശക്തി ക്ഷയിച്ച സംസ്ഥാനത്തെ ബി.ജെ.പി.യെ വീണ്ടും പഴയ പ്രതാപത്തിലേക്കു നയിക്കാന്‍ യെദ്യൂരപ്പക്കു കഴിയുമെന്ന് കേന്ദ്ര നേതൃത്വം കണക്കു കൂട്ടുന്നു. ബി.ജെ.പി.ക്ക് കാര്യമായ ശക്തിയില്ലാതിരുന്ന 1988 കാലഘട്ടത്തിലാണ് യെദ്യൂരപ്പ ആദ്യമായി പാര്‍ട്ടി പ്രസിഡന്റ് സ്ഥാനത്തെത്തുന്നത്. അവിടുന്നിങ്ങോട്ട് പിന്നെ ബി.ജെ.പി.ക്ക് വളര്‍ച്ചയുടെ കാലമായിരുന്നു.ബി.ജെ.പി.യെ പ്രതിപക്ഷ സ്ഥാനത്തെത്തിക്കുന്നതില്‍ യെദ്യൂരപ്പയുടെ പങ്ക് നിര്‍ണായകമായിരുന്നു.ദക്ഷിണേന്ത്യയില്‍ കാവിക്കൊടി പാറിക്കാന്‍ കേന്ദ്ര ബി.ജെ.പി. നേതൃത്വം പതിനെട്ടടവും പയറ്റിയെങ്കിലും അതില്‍ വിജയംകണ്ടെത്താന്‍ കഴിഞ്ഞത് യെദ്യൂരപ്പയ്ക്ക് മാത്രമാണ് .

#malayalamnews#News60ML

সংবাদ