पैठण -जायकवाडी धरणाचे 18 दरवाजे उघडले नाथसागर 92 टक्के पार

पैठण (ज्ञानेश्वर बावणे):-------
नाथसागराची जलाशय पाणीपातळी= 463.442 मीटर मध्ये तर
जीवंत साठा= 1991.373 दलघमी.
सध्याची जीवंत साठा टक्केवारी= 92.%
इतकी असून, पाणलोट क्षेत्रात चांगला पाऊस होत आहे, त्यामुळे पाणलोट क्षेत्रातील नदी, नाल्यांद्वारे, जायकवाडी धरणात पाण्याची आवक वाढत असल्यामुळे धरणाची पाणी पातळी वाढत आहे. धरणाचे (आर.ओ.एस) परिचलन सुचीनुसार आवश्यक असणारी पाणी पातळीचे नियमन करावयाचे असल्याने जायकवाडी प्रकल्पात होत असलेली पाण्याची आवक लक्षात घेता, काल दि. 25 जुलै 22 रोजी सायंकाळी 19:00 वा. धरणाच्या गेटमधुन/सांडव्याद्वारे गोदावरी नदीमध्ये 9432 क्युसेकने पुराचे पाणी सोडण्यास सुरुवात करण्यात आली, यावेळी जिल्हाधिकारी सुनील चव्हाण यांच्या उपस्थितीत जायकवाडी धरणाचे दरवाजे उघडण्यात आले.
पैठण येथील जायकवाडी धरणाच्या पाणलोट क्षेत्रात जोरदार पाऊस सुरु असल्यामुळे धरणात पाण्याची आवक वाढण्याचे प्रमाण वाढले आहे.
काल सोमवारी सायंकाळी जवळपास 39 हजार क्यूसेक ने पाणी येत होते.
धरणाची पाणी पातळी 92 टक्के पार झाली आहे, यामुळे धरण प्रशासन व तालुका प्रशासन यंत्रणा सतर्क झाली.
जायकवाडी पाटबंधारे विभागाचे धरण नियंत्रण कक्षेतून धरण जवळपास 100 टक्के भरण्याचा अंदाज व्यक्त करून धरणातून सायंकाळी गोदावरीच्या पात्रात विसर्ग करण्यात आला.
धरणाच्या वरील भागातील प्रमुख 17 धरणे ओव्हरफ्लो झाली असल्यामुळे हे पाणी नाथसागरात येणार आहे.
नाशिक जिल्ह्यात होत असलेल्या अतिवृष्टी मुळे गोदावरी नदी तुटुंब भरून वाहत असून पुरसदृश परिस्थिती निर्माण झाली आहे.
नाथसागर तुटुंब भरण्यासाठी अवघ्या दीड फुटाची आवश्यकता आहे.
प्रशासनाने दिलेल्या माहिती नुसार धरणाच्या वरील भागातील एकूण 17 प्रमुख धरणाची पाणी पातळी ही जवळपास 100 टक्के जवळ पोहचली आहे.
त्यामुळे वरील धरणातून नाथसागरात पाणी येत आहे. या प्रमुख धरणात करंजवन, वाघाड, ओझरखेड, पालखेड, गंगापूर, गौतमी, कश्यपी, दारणा, भावली, नागमठाण, भंडारदरा, निळवंडे, वालदेवी आदी प्रमुख धरणांचा समावेश आहे....
-----------------------------------------
धरणाचे दरवाजातून गोदावरीत पाणी प्रवाह सोडण्यात आला तेव्हा जिल्हाधिकारी सुनील चव्हाण, तहसीलदार दत्तात्रय निलावाड, पोलीस उपविभागीय अधिकारी विशाल नेहूल, पोलीस निरीक्षक किशोर पवार, नग

#breakingnews#maharashtra#dam#newsupdate#Paithan#aurangabadnews#ainnews#mahrathinews#18gatesofJaikwadiDamopenedNathsagar92percentpass#Jaikwadi

समाचार