बॅण्ड व्यावसायिकांवर उपासमारीची वेळ, लग्नासाठी २०० लोकांना व ५ जणांच्या बॅण्डपथकाला परवानगी द्या..

मागील दीड वर्षात लग्नसराईचे दोन सिझन वाया गेल्यामुळे बंद कलाकारांवर उपासमारीची वेळ आली आहे. प्रशासनाने आताही लग्नकार्यासाठी केवळ ५० लोकांच्या उपस्थितीची अट घातल्याने बॅण्ड व्यवसाय आर्थिक अडचणीत सापडला आहे. प्रशासन राजकीय पक्ष, पुढाऱ्यांना पाचशे -हजार लोकांच्या सभा घेण्यास परवानगी देते. मग लग्नकार्यावरच निर्बंध का?? असा सवाल करत लग्नकार्यासाठी २०० लोकांच्या उपस्थितीला आणि पाच लोकांच्या बॅण्ड पथकाला परवानगी द्यावी, अशी मागणी बॅण्ड मालक आणि कलाकारांनी केली आहे. नुकतीच अहमदनगर जिल्हा बॅण्ड मालक आणि वादक संघटनेची बैठक अध्यक्ष शांताराम राऊत आणि नगरचे आमदार संग्राम जगताप यांच्या उपास्थीतीत पार पडली. या बैठकीमध्ये बॅण्ड व्यावसायिक आणि कलाकारांच्या सध्याच्या परिस्थितीवर चर्चा झाली. कोरोना परिस्थितीमुळे ह्या बॅण्ड व्यायसायिकांची आर्थिक परिस्थिती खालावली आहे. अशातच प्रशासन वीजबिल ,बँक कर्ज हप्ते, घरपट्टी, नळपट्टी, घरभाडे भरण्यासाठी भाग पाडत आहे. हे पैसे भरण्यासाठी या व्यावसायिकांकडे कोणताच पर्याय उपलब्ध राहिलेला नाही. त्यामुळे बॅण्ड व्यावसायिकांना राज्य सरकारकडून तसेच आमदार निधी, खासदार निधी उपलब्ध व्हावा अशी मागणी ह्या बैठकीत करण्यात आली. या बैठकीमध्ये अहमदनगर जिल्हा बॅण्ड मालक व वादक संघटना जिल्हाध्यक्ष शांताराम राऊत, रॉयल बॅण्ड चे दिलावर शेख, स्वामी समर्थ बॅण्ड चे राजेंद्र राऊत, रज्जाक बॅण्ड चे कय्युम शेख, सुरभी बॅण्ड चे प्रसाद देशपांडे, आर. के. बॅण्ड चे नईम शेख, महाराष्ट्र बॅण्ड चे फिरोज शेख, सुरसागर बॅण्ड चे शकील शेख, रुपाली बॅण्ड चे भारत ठोकळ, घोरपडे बॅण्ड चे सुधाकर घोरपडे, सुप्रभात बॅण्ड चे विजय राऊत यांसह नगरमधील सर्व बॅण्ड व्यवसाधारक उपस्थित होते.

#न्यूज#News#india#CHANNEL#marathi#rahul#Updates#MetroNews#pune#Ahmednagar#PAWAR#Rohit#राहुल#Vikhe#MetroRail#विखे#पवार#मराठी#पुणे#Nagar#jamkhed#अहमदनगर#नगर#pathardi#जगताप#karjat#PUNElive#जामखेड#कर्जत#पाथर्डी#रोहित#ahmednagarlive

ଖବର