श्रीनागेश्वर पालखी सोहळ्यानिमित्त शुक्रवारपासून जामखेडला नामसाप्ताहास प्रारंभ

#Breakingnews#metronews #ahmednagar #nagar #g1news
जामखेडचे ग्रामदैवत श्रीनागेश्वर यात्रेनिमित्त शुक्रवारपासून दि.२९ येथे अखंड हरिनाम सप्ताहाचे आयोजन करण्यात आले आहे . या यात्रेचे मुख्य आकर्षण असलेला श्रीनागेश्वर पालखी सोहळा मंगळवार ( दि.२ ऑगस्ट ) होईल. राज्यात प्रसिद्ध असलेली जामखेडची नागपंचमी उत्सव तीन दिवस चालतो या निमित्ताने आनंदनगरी, राज्य स्तरीय कुस्ती स्पर्धा होणार असल्याने जामखेड शहरात गर्दीने रहदारी फुलली आहे. १ आँगस्ट पासून नागपंचमी उत्सव होणार असून ३ आँगस्ट पर्यंत हा उत्सव होत आहे.
जामखेड शहरातील श्री नागेश्वर मंदिराच्या स्थापनेला यावर्षी आठशे वर्षे पूर्ण होत आहेत. तसेच कोरोना काळात मागील दोन वर्ष येथे कोणताही सार्वजनिक मोठा उत्सव पार पडला नाही त्यामुळे यावर्षीच्या उत्सवासाठी भक्तांमध्ये मोठे उत्साहाचे वातावरण आहे. खर्डा रस्त्यावर वैतरणा नदीतीरावर श्रीनागेश्वराचे प्राचीन मंदिर आहे. शके११४४ मध्ये या मंदिराचे बांधकाम झाले असल्याचा उल्लेख येथे आहे. शके ११४४ ते सध्याचे शके १९४४ असा आठशे वर्षांचा इतिहास सांगणारे हे प्राचीन मंदिर आजही सुस्थितीत उभे आहे. त्या काळातील शास्त्रयुक्तपद्धतीने केलेले दगडी काम आजही सुस्थितीत आहे.
उत्तराभिमुख असलेल्या मंदिरातील गाभाऱ्यात काळी पाषाणाची पिंड आहे. पिंडीवर भगवान शंकराचा मुखवटा व नागाचा फडा आहे. समोर नंदी व पितळी भव्य त्रिशूळ आहे. मंदिराच्या डाव्या बाजूला औदुंबर व उजव्या बाजूला पुरातन काळातील काही साधूंच्या समाधी आहेत. मंगळवार दि . २ ऑगस्ट रोजी सकाळी श्रीनागेश्वराची विधिवत पूजा होईल. नंतर पालखीमध्ये श्रीनागेश्वराचा मुखवटा ठेऊन ही पालखी रथात ठेवली जाईल. टाळ मृदुंगाच्या गजरात हरहर महादेवाच्या जयघोषात मिरवणुकीस सुरुवात होईल. खर्डा रस्त्याच्या श्री नागेश्वर महाद्वारापासून खर्डा रस्ता, विठठल मंदिर,छत्रपती शिवाजी महाराजपेठ, शनी मारुती मंदिर, जयहिंद चौक, कचेरी रोड, महादेव गल्लीमार्गे ही दिंडी नव्याने तयार झालेल्या वैतरणा नदीतील रस्त्याने श्री नागेश्वर मंदिरापर्यंत पोहोचेल नंतर आरती व महाप्रसाद होईल. दरम्यान, दिंडोरी प्रणीत श्री स्वामी समर्थ सेवा केंद्राचे सेवेकरी मंदिरासमोर होमहवन करतील.




MetroNews Marathi is a 24/7 Marathi-language News Channel based in Ahmednagar, Pune, Mumbai

#न्यूज#News#breakingnews#Politics#india#ACCIDENT#CHANNEL#marathi#rahul#Updates#MetroNews#pune#how#Ahmednagar#PAWAR#Rohit#राहुल#Vikhe#MetroRail#विखे#पवार#मराठी#पुणे#Nagar#jamkhed#अहमदनगर#नगर#pathardi#जगताप#karjat#PUNElive#जामखेड#कर्जत#पाथर्डी#रोहित#ahmednagarlive

News