માથું વાઢવાની જાહેરાત સામે આવ્યો અલ્પેશનો જવાબ, જાણો શું કહ્યું

તાજેતરમાં જ ગુજરાતમાં પરપ્રાંતિયો પરના હુમલા અને ત્યારબાદ રાજ્યમાંથી પરપ્રાંતિયોની હિજરતના મુદ્દે રાજકારણ ગરમાયું હતું અને પરપ્રાંતિયો પરના હુમલામાં કોંગ્રેસના રાધનપુરના ધારાસભ્ય અલ્પેશ ઠાકોર અને તેની ઠાકોર સેનાનો હાથ હોવાના આરોપ પણ મૂકાયા હતા. તેવા સંજોગોમાં ઉત્તર પ્રદેશના એક યુવા સંગઠનના નામથી ધારાસભ્ય અલ્પેશ ઠાકોરનું માથું વાઢીને લાવનારને રૂ. 1 કરોડના ઈનામની જાહેરાત કરતા પોસ્ટર્સ લાગ્યા હતા. ત્યારે આ મામલે અલ્પેશ ઠાકોરે તેનો જવાબ આપતા ડીસાના એક કાર્યક્રમમાં કથિત યુવા સંગઠનને પડકાર ફેંક્યો છે કે રાત્રે 12 વાગ્યા પછી પણ એકલો જ ફરું છું. હિંમત હોય તો માથું વાઢી જાવ. આ પ્રકારનું નિવેદન ધારાસભ્ય અલ્પેશ ઠાકોરે કરતા વધુ એક વિવાદ ઊભો થયો છે.

આ અંગે મળતી વિગતો અનુસાર ડીસામાં વિજયાદશમી નિમિત્તે યોજાયેલા એક કાર્યક્રમમાં રાધનપુરના કોંગ્રેસના ધારાસભ્ય અલ્પેશ ઠાકોરે ઉત્તર પ્રદેશના કથિત યુવા સંગઠનને પડકાર ફેંક્યો છે કે રાત્રે 12 વાગ્યે પણ એકલો જ ફરતો હોઉં છું. હિંમત હોય તો માથું વાઢીને લઈ જાય. આ પ્રકારના નિવેદનનો વીડિયો વાઈરલ થતા જ ગુજરાતના રાજકારણમાં ફરી ગરમાવો આવી ગયો છે.

ભાજપે આ નિવેદનનો વિરોધ કરતા આરોપ મૂક્યો હતો કે, કોંગ્રેસના ધારાસભ્ય તરીકે આ પ્રકારના નિવેદનો કરવા યોગ્ય નથી.

#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews#AlpeshThakor#CongressGujarat#ThakorSena#AttackOnMigrant

വാർത്തകൾ