સુરત કોંગ્રેસના નેતાએ દારૂના નશામાં હોસ્પિટલમાં કર્યો હોબાળો

વિદ્યાર્થીઓથી ભરેલી બસ ખીણમાં ખાબકતા કેટલાક વિદ્યાર્થીઓને સુરતની સિવિલ હોસ્પિટલમાં સારવાર અર્થે લાવવામાં આવ્યા હતા. આરોગ્ય મંત્રી કુમાર કાનાણી આ વિદ્યાર્થીઓની મુલાકાત લેવા માટે સિવિલ હોસ્પિટલ પહોંચ્યા હતા. આ સમય દરમિયાન સુરત મહાનગરપાલિકાના વિરોધ પક્ષના નેતા પપ્પ્ન તોગડિયા સિવિલ હોસ્પિટલ ખાતે પહોંચ્યા હતા અને ભાજપના આરોગ્ય મંત્રી અને ધારાસભ્યો માત્ર ફોટા પડાવવા માટે આવ્યા હોય તેવા આક્ષેપો લગાડ્યા હતા. આ દરમિયાન પપ્પ્ન તોગડિયા દારૂ પીને બબાલ કરી રહ્યા છે તેવી વાતો ફેલાઈ હતી. જ્યારે પપ્પ્ન તોગડિયાએ મીડિયા સમક્ષ આવ્યા તેઓએ પણ એવી કબૂલાત કરી હતી કે, મે દારૂ પીધેલો છે.

પપ્પ્ન તોગડિયા સિવિલ સિવિલ હોસ્પિટલમાં દારૂ પીને આવ્યા હતા તે મામલે Khabarchhe.com સાથે વાતચીત કરતા આરોગ્ય મંત્રી કુમાર કાનાણીએ જણાવ્યુ હતું કે, એવું ન કરવું જોઈએ. તેમણે જે કર્યું છે એમાં મારે શું કહેવું? એ ગાંડપણ કહેવાય. આપણે કોઈને દિલાસો તો ન આપી શકીએ પણ વાતાવરણ ખરાબ કરીને ગમે તેમ બોલીને શું ફાયદો? આપણે લોકોને પ્રતિનિધિ છીએ. આપણને શોભે નહીં આવું બધું. Khabarchhe.com દ્વારા આરોગ્ય મંત્રીને દારૂ પાર્ટીમાં મહિલાઓ પકડાઈ હતી તે મામલે પૂછતા તેમને જણાવ્યુ હતું કે, દારૂબંધી છે, નિયમો છે, કાયદાઓ છે છતાં કંઈકને કંઈક રીતે લોકો છટકબારી કરતા હોય છે. કાયદાના અમલીકરણ માટે પ્રયત્નો તો થતા હોય છે પરંતુ લોકોની આદત અને ટેવ છે એના કારણે લોકો છટકબારી કરીને તેઓ પીતા જ હોય છે.

આ મામલે કોંગ્રેસ શહેર પ્રમુખ હસમુખ દેસાઈએ Khabarchhe.com સાથે વાતચીત કરતા જણાવ્યુ હતું કે, કાલે હું પ્રફુલભાઈની સાથે હતો. એ કોઈ દારૂના નશામાં ન હતા. કુમારભાઈને ત્યાંથી કાઢ્યા એટલે દારૂનો નશો. લોકો વાત કરે છે. પણ ત્યાં પોલીસ અને બધા હતા. તેમનું કહેવાનું એટલું હતું કે, આ છોકરાઓને વાગ્યું છે અને ડૉક્ટરો ધક્કા મારી મારીને અંદર જાય છે. તો તમે કુમારભાઈ ફોટા પાડવા એકલા રહો બીજા બધા ગરદી નહીં કરો કારણકે અત્યારે આ ફોટા પાડવા જેવું કંઈ નથી. એમને એકવાર ફોટો પાડવાની મનાઈ કરી પણ તે બંધ ન થયું એટલે પપ્પ્ન ભાઈએ સિક્યોરિટી ગાર્ડને કહ્યું કે અહિંયા ફોટો કેમ પાડે છે. આ બધો હો હા થયો એટલે આ પ્રકારની વાત ફેલાવી છે. હું એમની સાથે એમના ઘરેથી સાથે આવ્યો હતો. તેઓએ જ ગાડી ચલાવી હતી.

Know more on https://www.khabarchhe.com
Follow US On:

Face

#congress#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews#Surat#SuratCongress#PappanTogadia#kumarkanani

Berita