online exclusive sales will be get banned by goverment of flip kart, amazon etc

ഇ-കൊമേഴ്‌സ് സൈറ്റുകളിലെ ഓഫറുകൾക്ക് വിലക്കിടാനായി സർക്കാർ

കമ്പനികളുമായി നേരിട്ട് 'ഓണ്‍ലൈന്‍ എക്‌സ്‌ക്ലൂസീവ് ' കരാറുകളില്‍ ഏര്‍പ്പെടുന്നതും സര്‍ക്കാര്‍ തടയും

രാജ്യത്തെ ഇ–കൊമേഴ്സ് മേഖലയുടെ മുഖ്യ ആകർഷണമായ ഓഫറുകളുടെ പെരുമഴയ്ക്കു നിയന്ത്രണമേർപ്പെടുത്തി ഒരുങ്ങി കേന്ദ്ര സർക്കാർ രംഗത്ത്.
ഓൺലൈൻ വിപണന രംഗത്തെ ഭീമൻമാരായ ഫ്ലിപ്കാർട്ടിനെയും ആമസോണിനെയും സാരമായി ബാധിക്കുന്ന വ്യവസ്ഥകളാണ് കേന്ദ്ര സർക്കാർ കൊണ്ടുവന്നിട്ടുള്ളത്. ഇ–കൊമേഴ്സ് വിപണന രംഗത്തുള്ള സ്ഥാപനങ്ങൾക്കു ഏതെങ്കിലും തരത്തിലുള്ള ഓഹരി പങ്കാളിത്തമുള്ള കമ്പനികളുടെ വസ്തുക്കൾ ബന്ധപ്പെട്ട ഇ–കൊമേഴ്സ് വെബ്സൈറ്റുകളിലൂടെ വിൽപ്പന നടത്തരുതെന്നതാണ് പരിഷ്കരിച്ച നിയമത്തിലെ പ്രധാന വ്യവസ്ഥ.
ക്ലൗഡ്ടെയിൽ, അപ്പാരിയോ തുടങ്ങി പല തരത്തിലുള്ള സംയുക്ത സംരംഭങ്ങളുടെ ഉടമകളായ ആമസോണിനെ സംബന്ധിച്ചിടത്തോളം കനത്ത തിരിച്ചടിയാണ് ഈ വ്യവസ്ഥ. ഇത്തരത്തില്‍ ഓഹരി പങ്കാളിത്തമുള്ള കമ്പനികളുടെ ഉൽപ്പന്നങ്ങൾ ഇനി മുതൽ ആമസോണിലൂടെ വിൽപ്പന നടത്താനാകില്ല.
2019 ഫെബ്രുവരി ഒന്നു മുതലാണ് പുതിയ നിയമം പ്രാബല്യത്തിൽ വരിക.
ഉൽപാദകരുമായി നേരിട്ടെത്തുന്ന ധാരണയുടെ അടിസ്ഥാനത്തിൽ ഇ–കൊമേഴ്സ് സൈറ്റുകളിലൂടെ നടക്കുന്ന എക്സ്ക്ലൂസീവ് ഇടപാടുകളും പുതിയ നിയമം വിലക്കുന്നുണ്ട്. ഫ്ലിപ്കാർ‌ട്ട്, ആമസോൺ തുടങ്ങി വമ്പൻമാര്‍ക്ക് ഏറെ തലവേദന സൃഷ്ടിക്കുന്നതാണ് ഈ പരിഷ്കാരം, ഷവോമി, ഒപ്പോ തുടങ്ങിയ സ്മാർട് ഫോൺ നിര്‍മാതാക്കളുമായി സഹകരിച്ച് ഉപയോക്താക്കൾക്കായി വിവിധ തരത്തിലുള്ള എക്സ്ക്ലൂസീവ് ഇടപാടുകൾ ഫ്ലിപ്കാർട്ട് മുന്നോട്ടുവയ്ക്കാറുണ്ട്. ഇത്തരം പ്രത്യേക ഇളവുകൾ ഇനിമുതൽ ഉപഭോക്താക്കളിലേക്കു എത്തിക്കാനാകില്ല. രാജ്യത്തു ഇ–കൊമേഴ്സ് സൈറ്റുകളിലൂടെ നടക്കുന്ന ആകെ വിൽപ്പനയുടെ 50 ശതമാനവും സ്മാർട് ഫോണുകളാണെന്ന വസ്തുത പരിശോധിച്ചാൽ പുതിയ ചട്ടം മേഖലക്കു സമ്മാനിക്കുന്ന ആഘാതം വിലയിരുത്താനാകും. പുതിയ ഫോണുകൾ ഉൾപ്പെടെ പ്രത്യേക വിലക്കുറവോടു കൂടി അവതരിപ്പിച്ചാണ് ഉപഭോക്താക്കളെ ഇ–കൊമേഴ്സ് സൈറ്റുകൾ ആകർഷിച്ചിരുന്നത്.
ഇ-കൊമേഴ്‌സ് വെബ്‌സൈറ്റുകളുടെ ഓഫര്‍ വില്‍പനയ്‌ക്കെതിരെ ചില്ലറ വ്യാപാര മേഖലയില്‍ നിന്നും പരാതി ഉയര്‍ന്നിരുന്നു.
ആലിബാബ, ആമസോൺ, ഫ്ലിപ്കാർട്ട് തുടങ്ങിയ കമ്പനികൾ പുലർത്തുന്ന അനാരോഗ്യകരമായ വിൽപ്പന തന്ത്രം ചില്ലറ വിൽപ്പന മേഖലയുടെ അടിത്തറ ഇളക്കുന്നതാണെന്നതായിരുന്നു ഇവരുടെ പരാതി.

#indianews#todaynews#News#dailynews#onlinenews#politicalnews#WORLDNEWS#IndiaToday#keralanews#Kerala#Exclusivenews#trending#LATSETNEWS#entertainmentnews#malayalamnews#HotNews#eveningnews#news2018#annnews#news60#latestindiannews#southindiannews#periodnews#happyhours#newlyuploaded#informatives#keralatoday#worldtoday#anweshanam#todayspecials

News