no digital booking in sabarimla this season

സന്നിധാനത്ത് എത്താന്‍ വെർച്വൽ ക്യൂ കാര്യക്ഷമമാക്കും





പമ്പയിലേക്കുള്ള യാത്രയ്ക്കും ബേസ് ക്യാമ്പായ നിലയ്ക്കലിൽ ബുക്കിങ് കൗണ്ടർ ഉണ്ടാകും




ശബരിമല ദർശനത്തിന് ഈ തീർഥാടനക്കാലത്ത് തിരുപ്പതി മാതൃകയിലുള്ള ഡിജിറ്റൽ ബുക്കിങ് നടപ്പാകില്ല. പകരം നിലവിലുള്ള വെർച്വൽ ക്യൂ കൂടുതൽ കാര്യക്ഷമമാക്കും.
ശബരിമല കാനനക്ഷേത്രമായതിനാലുള്ള പ്രായോഗിക പ്രശ്‌നങ്ങളും തിരുപ്പതി മാതൃകയിലുള്ള ക്രമീകരണങ്ങൾക്ക് കുറഞ്ഞത് നാലുമാസമെങ്കിലും വേണ്ടിവരുമെന്നതുമാണ് കാരണം.
ശബരിമലയിൽ തിരക്ക് കുറയ്ക്കാനും തീർഥാടക നിയന്ത്രണത്തിനും ഡിജിറ്റൽ ബുക്കിങ് ഏർപ്പെടുത്താൻ സർക്കാർ തീരുമാനിച്ചിരുന്നു. ഓൺലൈൻ ബുക്കിങ് അനുവദിക്കുന്ന സമയത്ത് ദർശനം നടത്തി മടങ്ങുന്ന തിരുപ്പതിസംവിധാനത്തിന് ശബരിമലയിൽ പ്രായോഗിക പ്രശ്‌നങ്ങളുണ്ടെന്നും കൂടുതൽ ചർച്ച നടത്തിയും സമയമെടുത്തും മാത്രമേ ഇതു നടപ്പാക്കാനാവൂ എന്നും ഇതിനെ കുറിച്ച് പഠിച്ച സംഘത്തിന്റെ വിലയിരുത്തൽ. ഇനിമുതൽ പമ്പയിലേക്കുള്ള യാത്രയ്ക്കും ബേസ് ക്യാമ്പായ നിലയ്ക്കലിൽ ബുക്കിങ് കൗണ്ടർ ഉണ്ടാകും.ഇതുവഴി തീർഥാടകരുടെ കൃത്യമായ എണ്ണം കിട്ടും. സന്നിധാനത്തേക്ക്‌ നിയന്ത്രിച്ചുവിടാനുമാകുമെന്നും കരുതുന്നു. ഒരു ദിവസത്തിൽക്കൂടുതൽ ആരും സന്നിധാനത്ത് നിൽക്കരുതെന്ന നിലപാടാണ് പോലീസിനും സർക്കാരിനുമുള്ളത്.വെർച്വൽ ക്യൂ തീർഥാടകത്തിരക്ക് കുറയ്ക്കാൻ പ്രായോഗികമാണ്. കേരളാ പോലീസ് വെബ്‌സൈറ്റിൽ ഒക്ടോബർ ആദ്യവാരംമുതൽ ബുക്കിങ് ആരംഭിക്കും. രജിസ്റ്റർചെയ്യുമ്പോൾ പേര്, വിലാസം, വയസ്സ്, തിരിച്ചറിയൽ കാർഡിന്റെ വിശദാംശങ്ങൾ എന്നിവ രേഖപ്പെടുത്തണം. ഫോട്ടോയും വേണം.
ദർശനത്തിനുള്ള തീയതിയും സമയവും രേഖപ്പെടുത്തിയ പ്രിന്റൗട്ടും തിരിച്ചറിയൽ കാർഡും പമ്പയിൽ പരിശോധിച്ചശേഷം സാധാരണ വരിയിലൂടെയല്ലാതെയാണ് സന്നിധാനത്തെ വലിയ നടപ്പന്തലിലേക്ക്‌ തീർഥാടകരെ വിടുക




Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

no digital booking in sabarimla this season

#latestnews#indianews#todaynews#News#dailynews#onlinenews#politicalnews#WORLDNEWS#IndiaToday#Kerala#Exclusivenews#trending#entertainmentnews#malayalamnews#HotNews#eveningnews#todayspecial#news2017#annnews#news60#anweshnam#latestindiannews#southindiannews#periodnews#happyhours#newlyuploaded#informatives#keralatoday#worldtoday

News