കൊടുംചൂടിൽ കേരളം; താപനില 40 ഡിഗ്രി സെല്‍സ്യസിലേക്ക്

മാര്‍ച്ച് ഒന്നാം തീയതി മുതലുള്ള കണക്കനുസരിച്ച് സംസ്ഥാനത്ത് വേനല്‍മഴയില്‍ 38 ശതമാനത്തിന്റെ കുറവ് രേഖപ്പെടുത്തിയിട്ടുണ്ട്


കേരളത്തില്‍ കൊടും ചൂട് തുടരുന്നു. വേനല്‍ ഇനിയും കടുക്കാനിടയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്‍കി. എട്ട് ജില്ലകളില്‍ സൂര്യാഘാത ജാഗ്രതാ നിര്‍ദ്ദേശം പുറപ്പെടുവിച്ചിട്ടുണ്ട്. കേരളത്തില്‍വേനല്‍മഴ 38 ശതമാനം കുറഞ്ഞതും ചൂട് ഉയരാന്‍ കാരണമായി. പാലക്കാട് ജില്ലയില്‍ ചൂട് 39 ഡിഗ്രി സെല്‍സ്യസിലേക്ക് ഉയര്‍ന്നു. കൊല്ലം ജില്ലയിലെ പുനലൂരില്‍താപനില 38 ലേക്കും കോട്ടയത്ത് 37 ലേക്കും എത്തി. സംസ്ഥാനത്ത് 12 ജില്ലകളില്‍ താപനില 35 ന് മുകളിലേക്ക് ഉയര്‍ന്നിട്ടുണ്ട്. സാധാരണ മാര്‍ച്ച് മാസത്തില്‍ അനുഭവപ്പെടുന്നതിനെക്കാള്‍ ശരാശരി താപനില ഒരുഡിഗ്രി ഉയര്‍ന്നതായാണ് കണക്കുകള്‍ വ്യക്തമാക്കുന്നത്. അതേസമയം വേനല്‍മഴയില്‍ വലിയ കുറവാണ് രേഖപ്പെടുത്തിയിരിക്കുന്നത്. മാര്‍ച്ച് ഒന്നാം തീയതി മുതലുള്ള കണക്കനുസരിച്ച് സംസ്ഥാനത്ത് വേനല്‍മഴയില്‍ 38 ശതമാനത്തിന്റെ കുറവ് രേഖപ്പെടുത്തിയിട്ടുണ്ട്.
സംഭരണികളിലെ ജലനിരപ്പ് താഴുകയാണ്, അതോടൊപ്പം വൈദ്യുതി ഉപയോഗം കുതിച്ചുയര്‍ന്നു. 83.08 ദശലക്ഷം യൂണിറ്റിലേക്ക് വൈദ്യുതി ഉപയോഗം കുതിച്ചുയര്‍ന്നു. ഇത് കേരളത്തെ സംബന്ധിച്ചിടത്തോളം സര്‍വ്വകാല റെക്കോഡാണ്. വെള്ളിയാഴ്ച വരെ കൊടും ചൂടിന് സാധ്യതയുണ്ടെന്ന് കേന്ദ്രകാലാവസ്ഥാ വകുപ്പ് മുന്നറിയിപ്പ് നല്‍കിയിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, തൃശ്ശൂര്‍, പാലക്കാട്, കോഴിക്കോട് ജില്ലകളിലാണ് താപനില ഇപ്പോഴുള്ളതിനെക്കാള്‍ മൂന്ന് ഡിഗ്രി വരെ ഉയരാന്‍സാധ്യതയുള്ളത്.സൂര്യാഘാതം ഉണ്ടാകാതെ ജാഗ്രതപാലിക്കണമെന്ന് ദുരന്തനിവാരണ അതോറിറ്റി അറിയിച്ചു.


Temperature on the rise in State

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

കൊടുംചൂടിൽ കേരളം; താപനില 40 ഡിഗ്രി സെല്‍സ്യസിലേക്ക്

#indianews#todaynews#News#dailynews#onlinenews#politicalnews#WORLDNEWS#IndiaToday#keralanews#Kerala#Exclusivenews#trending#LATSETNEWS#entertainmentnews#malayalamnews#HotNews#eveningnews#news2018#annnews#news60#latestindiannews#southindiannews#periodnews#happyhours#newlyuploaded#informatives#keralatoday#worldtoday#anweshanam#todayspecials

News