गावातील घनकच-याची इतरत्र व्यवस्था करावी यामागणीसाठी तहिसल कार्यालयामोर निषेध

गावातील घनकचरा शहरातील आनंद निवास येथील मुलींच्या वसतीगृहाशेजारी सुचना देवूनही टाकला जात असल्याने आज बुधवार ता. २३ रोजी विदयार्थिनी, कर्मचारी व ग्रामस्थांनी नित्यसेवा पासून तहसिल कार्यालयापर्यंत मोर्चा काढून निषेध व्यक्त केला. मागण्यांचे निवेदन नायब तहसिलदार भानुदास गुंजाळ यांना देण्यात आले. आनंद निवास येथील मुलींच्या वसतीगृहाशेजारी अनेक वर्षापासून शहरातील सुका व ओला कचरा टाकण्यात येतो. या वस्तीगृहात मुली व आरोग्य सेविका राहतात. या कच-यामुळे घाणीचे साम्राज्य निर्माण झाले असून डासांचा प्रादुर्भाव वाढला आहे. येथील कचरा अनेक वेळा पेटवून देण्यात येतो. या धुरामुळे वसतीगृहातील मुलींना श्वासोश्वासाचे आजार उदभवत असल्याने मुलींचे आरोग्य धोक्यात आले आहे. येत्या आठ दिवसात पर्यायी जागेची व्यवस्था न केल्यास तेथील कचरा नगरपरीषदेसमोर टाकुन तो पेटवून देण्यात येईल. पर्यायी जागेसंदर्भात काही पदाधिकारी राजकारण करत असून हा प्रश्न पत्रकारांनी उचलून धरल्यामुळे त्यांच्यावरही गुन्हे दाखल करण्यापर्यंत हे पदाधिकारी गेले आहेत. त्यांची ही दडपशाही जनता कधीही खपुन घेणार नाही. असा इशारा टायग फोर्सचे राज्याचे प्रवक्ते प्रा. किसन चव्हाण, बाजार समितीचे माजी सभापती संजय फडके दिला. यावेळी संजय नांगरे, प्रकाश वाघमारे, फादर अनिल चक्रनारायण, दत्ता फुंदे आदींची भाषणे झाली. येत्या आठ दिवसात हा प्रश्न मार्गी न लागल्यास कचरा डेपोतील कचरा नगरपरीषदेसमोर टाकून तीव्र स्वरुपाचे आंदोलन करण्यात येईल असा इशारा यावेळी आंदोलनकर्त्यांनी दिला. यावेळी मुख्याधिकारी अंबादास गर्कळ यांनी पर्यायी जागेची व्यवस्था करतो असे आश्वासन दिल्यानंतर आंदोलन मागे घेण्यात आले.

Watch गावातील घनकच-याची इतरत्र व्यवस्था करावी यामागणीसाठी तहिसल कार्यालयामोर निषेध With HD Quality

#bjp#Crime#Sports#congress#News#Politics#Today#Movie#entertainment#maharashtra#NCP#ShivSena#BIG#NATIONAL#INTERNATIONAL#pune#Social#CITY#Ahmednagar#Metro#Rashtravadi#jeevan#g1#mahanagar#pimpri#beed#parbhani#headline

ਖਬਰ