पुणे जिल्ह्यात घाऊक कांद्याच्या भावात घसरण ३ ते ५ रुपये प्रति किलो एवढा दर

उत्तर पुणे जिल्ह्यात घाऊक कांदा बाजारात नवीन कांद्याची आवक वाढून भावात मोठी घसरण सुरु झाली आहे. खेड कृषी उत्त्पन्न बाजार समितीमध्ये शनिवारी अवघा ३ ते ५ रुपये प्रति किलो एवढा दर येथील घाऊक बाजारात कांद्याला मिळाला आहे. मागील पंधरावड्यापूर्वी हेच दर किलोला १४ ते १८ रुपये इतके होते. यंदाच्या दुष्काळामुळे पाणी नसल्याने तीन ते सव्वा तीन महिन्यांचा कच्चा कांदा असल्याने आणि मार्केट मध्ये आणण्यापूर्वी कांद्याची प्रतवारी होत नसल्याने कांद्याच्या दरात मोठी घसरण होत असल्याचे व्यापारी सांगत आहेत,नव्याने लागवड केलेला कांदा आता मार्केट मध्ये आणण्यास शेतकऱ्यांनी सुरुवात केली आहे. कांद्याच्या दरात सुरु असलेली घसरण पाहता उत्तर पुणे जिल्ह्यातील अनेक शेतकऱ्यांनी पूर्ण वाढ न झालेल्या कांद्याची काढणी करून बाजारात आणण्यास सुरुवात केल्याने कांद्याच्या दरात घसरण सुरु झाल्याचे व्यापाऱ्यांकडून सांगण्यात येत आहे. कांद्याचा उत्पादन खर्च अधिक असल्याने कांद्याचा सरासरी दर हा शेतकऱ्यांना उत्पादन खर्चाच्या तुलनेत शासनाने बांधून द्यावा. त्यामुळे कुठलीही यंत्रणा बाजारभाव पाडू शकणार नाही., साठा करणार नाही. परिणामी शेतकऱ्यांचे नुकसान होणार नसल्याचे कांदा उत्पादकांचे आणि स्वाभिमानी शेतकरी संघटनेचे म्हणणे आहे. कांद्याला हमीभाव न मिळाल्यास तीव्र आंदोलन छेडण्याचा इशारा चाकण मधील कांदा उत्पादक शेतकऱ्यांनी दिला आहे.

Watch पुणे जिल्ह्यात घाऊक कांद्याच्या भावात घसरण ३ ते ५ रुपये प्रति किलो एवढा दर With HD Quality

#bjp#Crime#Sports#congress#News#Politics#Today#Movie#entertainment#maharashtra#NCP#ShivSena#BIG#NATIONAL#INTERNATIONAL#pune#Social#CITY#Ahmednagar#Metro#Rashtravadi#jeevan#g1#mahanagar#pimpri#beed#parbhani#headline

News