पुण्यातील कात्रज परिसरात दोन युवकांचा अचानक मृत्यू, पेस्ट कंट्रोलमुळे मृत्यू झाल्याची माहिती

पुण्यातील कात्रज परिसरात दोन युवकांचा अचानक मृत्यू झाल्याची घटना समोर आली आणि एकच खळबळ उडाली .

पुण्यातील कात्रज परिसरात या दोन युवकांचा अचानक मृत्यू झाल्याची घटना समोर आली प्राथमिक माहितीनुसार या दोघांचा मृत्यू पेस्ट कंट्रोल मूळे झाला असल्याचे समोर आले आहे. कात्रज मधील पी आय सी टी कॉलेजच्या कँटीन मध्ये हे दोघे काम करत होते . जेवण झाल्यानंतर ते आपल्या रूम वर झोपण्यासाठी गेले असता दुसऱ्या दिवशी सकाळी कामावर आले नाही म्हणून कॅंटीनच्या मॅनेजरने जाऊन पाहिले असता त्यांनी दरवाजा उघडला नाही. त्यामुळे मॅनेजरने थोडावेळ थांबून खिडकीमधून आत मध्ये पाहिले असता या दोघांचा मृतदेह मॅनेजरला आढळून आला.
तातडीने या युवकांना भारती हॉस्पिटलमध्ये भरती करण्यात आलं . पण उपचारापूर्वी त्या दोघांचाही मृत्यू झाल्याचे डॉक्टरांनी सांगितले . या घटनेमध्ये अजय बेलदार आणि अनंत खेडकर यांचा मृत्यू झाला आहे. मात्र या दोघणच्या कुटुंबीयांनी घातपाताची शक्यता वर्तवली आहे . मृतांपैकी आनंत खेडकर याच्या हातातून रक्त वाहत होते त्याच्यासोबत मारहाण झाल्याचा संशय त्याच्या नातेवाईकांनी व्यक्त केला आहे . मात्र पोलिसांनी दिलेल्या माहितीनुसार ज्या रुममध्ये हे युवक राहत होते तिथे त्यांनी ढेकुन मारण्याचे औषध टाकले होते आणि कुठलीही काळजी न घेता हे दोघे रूममध्ये गेले आणि त्यांचा मृत्यू झाला . त्यांचे मृतदेह शवविच्छेदनासाठी ससून हॉस्पिटल मध्ये पाठविण्यात आले आहे भारती विद्यापीठ पोलीस पुढील तपास करत आहे.

Watch पुण्यातील कात्रज परिसरात दोन युवकांचा अचानक मृत्यू, पेस्ट कंट्रोलमुळे मृत्यू झाल्याची माहिती With HD Quality

#bjp#Crime#Sports#congress#News#Politics#Today#Movie#entertainment#maharashtra#NCP#ShivSena#BIG#NATIONAL#INTERNATIONAL#pune#Social#CITY#Ahmednagar#Metro#Rashtravadi#jeevan#g1#mahanagar#pimpri#beed#parbhani#headline

News