उद्योगपती करीम हुंडेकरी यांची सुटका , अपहरणामागे कुख्यात अजहर शेखच

अहमदनगर शहरातील हुंडेकरी उद्योग समूहाचे संचालक करीम हुंडेकरी यांच अपहरण करणाऱ्या चार आरोपींपैकी दोन आरोपींना स्थानिक गुन्हे शाखेच्या पथकाने जेरबंद केले आहे. या दोघांच्या चौकशीत नगरमधील कुख्यात गुन्हेगार अजहर मंजूर शेख यानेच आपल्या साथीदारांच्या मदतीने हुंडेकरी यांच अपहरण केल्याचे उघडकीस आले. तब्बल पंचवीस लाख रुपयांची खंडणी पुढील महिन्यात देण्याचे हुंडेकरी यांनी कबूल केल्यानंतर त्यांना सोडून दिल्याचे तपासात स्पष्ट झाले आहे. अजहर शेख आणि त्याचा एक साथीदार असे दोघे फरारी असून, त्यांचा शोध सुरू आहे.हुंडेकरी यांचं सर्जेपुरातील फकीर गल्ली मधून सोमवारी अपहरण झाले होते. काही तासांनंतर अपहरणकर्त्यांनी हुंडेकरी यांना जालन्यात सोडून दिले होते. याप्रकरणी तोफखाना पोलिस स्टेशनला अपहरणाचा गुन्हा दाखल झाला होता. स्थानिक गुन्हे शाखेचे पोलिस निरीक्षक दिलीप पवार यांच्या नेतृत्वाखाली स्थानिक गुन्हे शाखेच्या तीन पथकांनी समांतर तपास सुरू केला होता. अजहर शेख यानेच त्याच्या साथीदाराच्या मदतीने हा गुन्हा केल्याचा संशय पोलिसांना होता. त्यानुसार पोलिसांनी तपास सुरू केला होता.आणि या तपासात पोलिसांना यश मिळाल आहे.

Watch उद्योगपती करीम हुंडेकरी यांची सुटका , अपहरणामागे कुख्यात अजहर शेखच With HD Quality

#News#Metro

వార్తలు