Gujarat government employee considers him as 'Kalki': the 10th vatar of lord Vishnu

ഒരു കാരണം പറയട്ടെ : ഞാന്‍ ദശാവതാരം ആണ്


മഹാവിഷ്ണുവിന്‍റെ കല്കി അവതാരമായതിനാല്‍ അവധിയിലെന്ന് സര്‍ക്കാരുദ്യോഗസ്ഥന്‍.



ജോലിക്ക് ഹാജരാകാന്‍ കഴിയില്ലെങ്കില്‍ അസുഖമാണ് കല്യാണമാണ് എന്നൊക്കെ പറയുന്നത് സ്വാഭാവിക കാരണങ്ങള്‍. പക്ഷെ ഗുജറാത്തിലെ ഒരു സര്‍ക്കാരുദ്യോഗസ്ഥന്റെ അവധിക്ക് കാരണം അല്പം ദൈവീകമാണ്‌ . മഹാവിഷ്ണുവിന്റെ പത്താമത്തെ അവതാരമായതിനാല്‍ ജോലിക്ക് ഹാജരാകാന്‍ കഴിയില്ലെന്ന് വ്യക്തമാക്കി ഗുജറാത്തില്‍ സര്‍ക്കാരുദ്യോഗസ്ഥന്റെ കത്ത്. ലോകക്ഷേമത്തിന് വേണ്ടി തപസ്സിരിക്കേണ്ടതുണ്ടെന്നും അതിനാല്‍ ജോലിക്ക് എത്താന്‍ കഴിയില്ലെന്നുമാണ് എന്‍ജിനായറായ രമേശ് ചന്ദ്ര ഫേഫര്‍ മേലുദ്യോഗസ്ഥന് കത്ത് നല്‍കിയത്.നിരന്തരമായി അവധിയായതിനാലാണ് സൂപ്രണ്ടിങ് എന്‍ജിനീയര്‍ അദ്ദേഹത്തിന് കാരണം കാണിക്കല്‍ നോട്ടീസ് നല്‍കിയത്. ഞാന്‍ വിഷ്ണുവിന്റെ അവതാരമാണെന്ന് വരുംദിവസങ്ങളില്‍ തെളിയിക്കും. 2010 മാര്‍ച്ചിലാണ് ഞാന്‍ പത്താം അവതാരമായ കല്‍ക്കിയാണെന്ന് മനസ്സിലാക്കിയതെന്നും എനിക്ക് ദൈവിക ശക്തികള്‍ ലഭിച്ചിട്ടുണ്ടെന്നും രമേശ് ചന്ദ്ര മാധ്യമങ്ങളോട് പറഞ്ഞു.താനിപ്പോള്‍ അനുഷ്ഠിക്കുന്ന തപസ്സിന്റെ ഫലമായാണ് രാജ്യത്ത് കഴിഞ്ഞ 19 വര്‍ഷമായി മഴ നന്നായി പെയ്യുന്നത്. ഓഫീസില്‍ ഇരുന്ന് തപസ്സെടുക്കാന്‍ തനിക്ക് കഴിയില്ല. ഓഫീസില്‍ വന്നിരുന്ന് സമയം പോക്കണോ അതോ രാജ്യത്തെ വരള്‍ച്ച ഇല്ലാതാക്കാന്‍ ക്രിയാത്മകമായ പ്രവര്‍ത്തനങ്ങള്‍ നടത്തണോ എന്ന് നിങ്ങള്‍ക്ക് തീരുമാനിക്കാമെന്നും കാരണം കാണിക്കല്‍ നോട്ടീസിനുള്ള മറുപടിയില്‍ പറയുന്നു.കഴിഞ്ഞ എട്ടുമാസത്തിനുള്ളില്‍ ആകെ 16 ദിവസം മാത്രമാണ് രമേശ് ചന്ദ്ര ഓഫീസില്‍ വന്നത്. ഇതേത്തുടര്‍ന്നാണ് കാരണം കാണിക്കല്‍ നോട്ടീസ് നല്‍കിയത്.

#malayalamnews#News60ML

সংবাদ