पुण्यात आढावा बैठक संपन्न संभाजी भिडे यांना मुख्यमंत्र्यांची क्लीन चिट

देशात नक्षलवादाच्या नावाखाली सुरू असलेली धरपकड ही सनातन लोकांवरून लक्ष हटवण्यासाठी केली जात असल्याचा आरोप काँग्रेस प्रदेशाध्यक्ष अशोक चव्हाण यांनी केलाय. कोरेगाव भीमा हिंसाचार प्रकरणात संभाजी भिडे आणि मिलिंद एकबोटे यांच्या विरोधात सरकार कठोर कारवाई का करत नाही असा सवाल ही अशोक चव्हाण यांनी केलाय. भिडे यांना कुठल्याही चौकशीविना मुख्यमंत्री क्लीन चिट देतात हे कशाचं लक्षण आहे. याउलट सरकारच्या चुकीच्या धोरणावर बोलणाऱ्या विचारवंतांची धरपकड केली जातेय अस ते म्हणाले.अशोक चव्हाण आज पुण्यात होते, केंद्र आणि राज्य सरकारच्या विरोधात काँग्रेस पक्ष शुक्रवार 31 ऑगस्ट पासून राज्यव्यापी जनसंघर्ष यात्रा सुरू करत आहे. 31 तारखेला कोल्हापुरातून या यात्रेला सुरुवात होणार आहे. या यात्रेची आढावा बैठक आज पुण्यातल्या काँग्रेस भवन येथे घेण्यात आली. अशोक चव्हाण यांच्या अध्यक्षतेखाली आज ही बैठक पार पडली. त्यानंतर बागुल उद्यानातील ग्रे वॉटर ट्रीटमेंट प्लांटचे चव्हाण यांच्या हस्ते उदघाटन करण्यात आलं, त्यावेळी ते बोलत होते.नोटा बंदी हा फार मोठा घोटाळा आहे हे आता सिद्ध झालंय. कट्टरवादी संघटना राज्यात धुडगूस घालत आहेत.दलित आदिवासी अल्पसंख्याकांवर अत्याचार वाढले आहेत, अशा या सरकारच्या विरोधात जनमत जाग करण्यासाठी ही राज्यव्यापी जनसंघर्ष यात्रा काढण्यात येत असल्याच त्यांनी सांगितलं.दरम्यान एक आगळावेगळा हा ग्रे वाँटर प्रकल्प बागुल यांनी उभा केल्याने इतर शहरासमोर एक आदर्श निर्माण करेल अशा भावनाही त्यांनी यावेळी व्यक्त केल्या.

Watch पुण्यात आढावा बैठक संपन्न संभाजी भिडे यांना मुख्यमंत्र्यांची क्लीन चिट With HD Quality

#bjp#Crime#Sports#congress#News#Politics#Today#Movie#entertainment#maharashtra#NCP#ShivSena#BIG#NATIONAL#INTERNATIONAL#pune#Social#CITY#Ahmednagar#Metro#Rashtravadi#jeevan#g1#mahanagar#pimpri#beed#parbhani#headline

समाचार