Number Plate Reader Camera on kerala police

ക്യാമറക്കണ്ണിൽ നമ്പർ പ്ലേറ്റ് കുടുങ്ങില്ലെന്ന് കരുതി ഗതാഗതനിയമം ലംഘിക്കുന്നവരെ കുടുക്കാൻ സർക്കാർ ഒരുങ്ങുന്നു. നിരത്തുകളിൽ വാഹനങ്ങളുടെ നമ്പർ പ്ലേറ്റ് തിരിച്ചറിയുന്ന ഓട്ടോമാറ്റിക് നമ്പർ പ്ലേറ്റ് റെക്കഗ്‌നീഷൻ (എ.എൻ.പി.ആർ.) ക്യാമറകൾ സ്ഥാപിക്കും. അപകടത്തിനും അതിവേഗത്തിനും സാധ്യതയുള്ളയിടങ്ങളിലായിരിക്കും ഇവ സ്ഥാപിക്കുക.ചുവപ്പുസിഗ്നൽ മറികടക്കുന്ന വാഹനങ്ങൾ കണ്ടെത്താനും ഹെൽെമറ്റ് ഇല്ലാതെ വാഹനമോടിക്കുന്നവരെ തിരിച്ചറിയാനും ക്യാമറകൾ സ്ഥാപിക്കും. ഇവ സ്ഥാപിക്കുന്നതിലൂടെ ഗതാഗതനിയമം ലംഘിക്കുന്ന വാഹനങ്ങളുടെയും വിവരങ്ങൾ ഓട്ടോമാറ്റിക്കായി തന്നെ കേന്ദ്രീകൃത കൺട്രോൾ റൂമിലെത്തും. അവിടെനിന്ന്‌ കുറ്റക്കാർക്ക് പിഴയടയ്ക്കാനുള്ള ചെലാനുകൾ വിതരണംചെയ്യും.പിഴയടയ്ക്കുന്നത് ഉൾപ്പെടെയുള്ള കാര്യങ്ങളിൽ ഡിജിറ്റലാകും. റോഡുകളുടെ അവസ്ഥ, റോഡുകളുടെ വിവരങ്ങൾ തുടങ്ങിയവയും വാഹനയാത്രക്കാർക്ക് ലഭിക്കുന്ന തരത്തിൽ പൂർണമായും ഡിജിറ്റലായ നിയന്ത്രണസംവിധാനമാണ് ഉദ്ദേശിക്കുന്നത്. ഇതിനായി കേരള സ്റ്റേറ്റ് ഇൻഡസ്ട്രിയൽ ഡെവലപ്മെന്റ് കോർപ്പറേഷൻ നോഡൽ ഏജൻസിയായി ഏഴംഗസംഘത്തെയും സർക്കാർ നിയോഗിച്ചു.180 കോടി രൂപ ചെലവിലാണ് പദ്ധതി നടപ്പാക്കുന്നത്. ഇതുസംബന്ധിച്ച് കഴിഞ്ഞ വർഷം സംസ്ഥാന പോലീസ് മേധാവി സർക്കാരിന് പദ്ധതിരേഖ സമർപ്പിച്ചിരുന്നു. ഇതിന്റെ തുടർച്ചയായി സേവനദാതാക്കളെ കണ്ടെത്തുന്നതിന് ടെൻഡറിനുള്ള അനുമതിനൽകി. പൊതു-സ്വകാര്യ പങ്കാളിത്തത്തോടെയാകും പദ്ധതി. പദ്ധതി നടപ്പാക്കുമ്പോൾ പിഴയിനത്തിൽ ലഭിക്കുന്ന തുക സർക്കാരുമായി പങ്കുവയ്ക്കണമെന്ന മാനദണ്ഡംകൂടി ഉൾപ്പെടുത്തും. സർക്കാർതന്നെയാണ് ഈ നിർദേശം മുന്നോട്ടുവെച്ചത്

Number Plate Reader Camera on kerala police

#News#Kerala

સમાચાર