വിവിപാറ്റ് രസീതുകള്‍ എണ്ണണം: സുപ്രിംകോടതി ഇന്ന് പരിഗണിക്കും

വോട്ടിങ് യന്ത്രങ്ങളിലെ 50% വിവിപാറ്റുകൾ എണ്ണുകയാണെങ്കിൽ ഫലം 5 ദിവസത്തിലേറെ വൈകുമെന്ന തിരഞ്ഞെടുപ്പു കമ്മിഷന്റെ നിലപാടിനുള്ള മറുപടിയായാണു വിവിധ പാർട്ടികളിലെ 21 നേതാക്കൾ സുപ്രീം കോടതിയിൽ സത്യവാങ്മൂലം നൽകിയത്. ഹർജിയിൽ ഇന്നു വാദം കേൾക്കും.തിരഞ്ഞെടുപ്പു ഫലം വൈകിയാലും സാരമില്ല, 50% വിവിപാറ്റ് സ്ലിപ്പുകൾ എണ്ണണമെന്നു പ്രതിപക്ഷ പാർട്ടികൾ സുപ്രീം കോടതിയെ അറിയിച്ചു.ചന്ദ്രബാബു നായിഡു, കെ.സി. വേണുഗോപാൽ, അരവിന്ദ് കേജ്‌രിവാൾ, അഖിലേഷ് യാദവ്, ശരദ് പവാർ, ഡെറിക് ഒബ്രയാൻ, ഫാറൂഖ് അബ്ദുല്ല, ശരദ് യാദവ്, അജിത് സിങ്, ഡാനിഷ് അലി തുടങ്ങി 21 നേതാക്കളാണു സത്യവാങ്മൂലം സമർപ്പിച്ചിട്ടുള്ളത്.
തിരഞ്ഞെടുപ്പു നടപടികളുടെ സത്യസന്ധതയും സുതാര്യതയും ഉറപ്പു വരുത്തുമെങ്കിൽ ഫലം 5 ദിവസത്തിലേറെ വൈകുന്നതു വലിയ പ്രശ്നമല്ലെന്നു നേതാക്കൾ കോടതിയെ അറിയിച്ചു.വിവിപാറ്റ് പരിശോധിക്കുന്ന ജീവനക്കാരുടെ എണ്ണം കൂട്ടിയാൽ എണ്ണാനെടുക്കുന്ന സമയം കുറയ്ക്കാനാകുമെന്നും പാർട്ടികൾ വ്യക്തമാക്കി.വോട്ടിങ് യന്ത്രങ്ങളുടെ വിശ്വാസ്യതയെയല്ല ചോദ്യം ചെയ്യുന്നത്. തിരഞ്ഞെടുപ്പു നടപടികളിലെ സത്യസന്ധതയും, ജനവിശ്വാസവും കൂട്ടുകയാണു ലക്ഷ്യം. വിവിപാറ്റ് നടപ്പാക്കിയതിന്റെ ലക്ഷ്യം നേടണമെങ്കിൽ അതു ഫലപ്രദമായി ഉപയോഗിക്കണം. വെറും അലങ്കാരം മാത്രമാണെങ്കിൽ അതു നടപ്പാക്കിയതിന്റെ ലക്ഷ്യം നേടാനാകില്ലെന്നും പ്രതിപക്ഷ പാർട്ടികൾ പറഞ്ഞു.വോട്ടിങ് കംപാർട്മെന്റിനുള്ളിൽ 2 യന്ത്രങ്ങളുണ്ടാവും – 1. ബാലറ്റ് യൂണിറ്റ് അടങ്ങിയ ഇവിഎം (ഇലക്ട്രോണിക് വോട്ടിങ് മെഷീൻ) 2. വിവിപാറ്റ് (വോട്ടർ വെരിഫയബിൾ പേപ്പർ ഓഡിറ്റ് ട്രെയിൽ). ബാലറ്റ് യൂണിറ്റിലെ ബട്ടൺ അമർത്തി വോട്ടു ചെയ്യുന്നതോടെ വിവിപാറ്റ് യന്ത്രത്തിനുള്ളിൽ ഒരു രസീത് വരും. ആ രസീതിൽ ആർക്കു വോട്ട് നൽകിയോ ആ സ്ഥാനാർഥിയുടെ പേര്, ക്രമനമ്പർ, ചിഹ്നം എന്നിവയുണ്ടാകും. 7 സെക്കന്റ് വരെ രസീത് കാണാം. തുടർന്ന് വിവിപാറ്റ് യന്ത്രത്തിനുള്ളിലെ പെട്ടിയിലേക്കു വീഴും.രസീത് വോട്ടർക്കു കൈവശം ലഭിക്കില്ല. വോട്ടെണ്ണൽ സമയത്ത് ഒരു പോളിങ്ങ് ബൂത്തിലെ വിവിപാറ്റ് രസീതുകളും പോൾ ചെയ്യപ്പെട്ട വോട്ടുകളും ഒത്തുനോക്കാനാണു തീരുമാനം.


VVPAT verification: Delay of 5.2 days to declare results is not serious, Opposition parties tell SC

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

വി

#indianews#todaynews#News#dailynews#onlinenews#politicalnews#WORLDNEWS#IndiaToday#keralanews#Kerala#Exclusivenews#trending#LATSETNEWS#entertainmentnews#malayalamnews#HotNews#eveningnews#news2018#annnews#news60#latestindiannews#southindiannews#periodnews#happyhours#newlyuploaded#informatives#keralatoday#worldtoday#anweshanam#todayspecials

News