अर्थमंत्री पी. चिदंबरम यांना सुप्रीम कोर्टाकडून दिलासा

आयएनएक्स मीडिया मनी लाँडरिंग प्रकरणात तुरुंगात असलेले माजी केंद्रीय अर्थमंत्री पी. चिदंबरम यांना सुप्रीम कोर्टाकडून मोठा दिलासा मिळाला आहे. सुप्रीम कोर्टानं आज, बुधवारी त्यांना काही अटींवर जामीन मंजूर केला आहे. त्यामुळे चिदंबरम तब्बल १०६ दिवसांनंतर तुरुंगातून बाहेर आले आहेत.चिदंबरम यांना आयएनएक्स मीडिया प्रकरणात सुप्रीम कोर्टानं आज दोन लाख रुपयांच्या वैयक्तिक जातमुचलक्यावर आणि कोर्टाच्या परवानगीशिवाय देश सोडून न जाण्याच्या अटीवर जामीन मंजूर केला. जामीन देताना सुप्रीम कोर्टानं त्यांना काही अटीही घातल्या आहेत. चिदंबरम यांनी पुराव्यांशी छेडछाड आणि साक्षीदाराशी संपर्क साधण्याचा प्रयत्न करू नये, या प्रकरणात माध्यमांना मुलाखती देऊ नयेत, तसंच कोणतंही वक्तव्य करू नये, सुप्रीम कोर्टाच्या परवानगीशिवाय देशाबाहेर जाता येणार नाही , चौकशीला संपूर्ण सहकार्य करावा इत्यादी अटींवर सुप्रीम कोर्टानं त्यांना जामीन दिला आहे. तब्बल १०६ दिवसांनंतर चिदंबरम हे तिहार तुरुंगातून बाहेर आलेत.


Watch अर्थमंत्री पी. चिदंबरम यांना सुप्रीम कोर्टाकडून दिलासा With HD Quality

#News#Metro

വാർത്തകൾ