आमदार शंकरराव गडाख यांना मिळणार मंत्रिमंडळात संधी

क्रांतिकारी शेतकरी पक्षाचे नेते शंकरराव गडाख यांनी भाजपचे आमदार बाळासाहेब मुरकुटे यांचा पराभव करून निवडणुकीत विजय प्राप्त केलाय. मात्र आता गडाख यांनी शिवसेनेचे पक्षप्रमुख उद्धव ठाकरे यांची भेट घेऊन त्यांना आपला पाठींबा दिला असून शिवसेनेच्या नेतृत्वाखाली काम करण्याचे ठरविल्याने त्यांच्या पदरात मंत्रिपद पडण्याची दाट शक्यता राजकीय वर्तुळात वर्तिवण्यात आली आहे. २०१४ च्या निवडणुकीमध्ये गडाख यांचा ४६५९ मतांच्या फरकाने पराभव झाला होता,मात्र आता २०१९च्या निवडणुकीत मुरकूटेंचा पराभव करत विजयी झाले आहेत. कुशल संघटन, कौशल्य,नियोजन,आणि जनसंपर्क या बळावर त्यांनी हि निवडणूक जिंकली आहे. आता त्यांनी शिवसेनेला पाठिंबा दिल्याने शिवसेनेचे आमदार म्हणून ते काम पाहणार आहेत. गडाख यांच्या पाठिंब्यामुळे शिवसैनिकांमध्ये उत्साह संचारला असून जिल्ह्यात एकमेव पर्याय म्हणून आमदार गडाख यांचा राज्याच्या मंत्रिमंडळात समावेश व्हावा म्हणून कार्यकर्त्यानी कंम्बर कसली असून पक्ष प्रमुखांकडे त्यांनी आपली मागणी मांडली आहे. गडाख यांना मंत्रिपद मिळणार का? मिळालं तर कोणते खाते मिळणार याकडे आता संपूर्ण नेवासा तालुक्याचे लक्ष लागलं आहे.

Watch आमदार शंकरराव गडाख यांना मिळणार मंत्रिमंडळात संधी With HD Quality

#News#Metro

বাতৰি