बुरूडगावच्या कचऱ्याची लागणार विल्हेवाट ,नगर मनपा करणार बायोमायनिंग प्रक्रिया

नगर जिल्ह्यातील बुरुडगाव कचरा डेपोमध्ये वर्षानुवर्षे पडून असलेल्या सडलेल्या कचऱ्याची विल्हेवाट लावण्याचा विचार आता महापालिकेने सुरू केला आहे. यासाठी बायोमायनिंग प्रयोग करून येथे पडून असलेल्या कचऱ्याचे विलगीकरण केले जाणार आहे. मात्र येथे असलेल्या सुमारे ३ ते ४ लाख घनमीटर कचऱ्यापैकी केवळ एक लाख क्युबिक मीटर कचऱ्याचीच यात विल्हेवाट लावण्याचे नियोजन आहे. यामुळे या कचरा डेपोची सुमारे ४ ते ५ एकर जागा मोकळी होणार आहे.नगरमध्ये मनपाचा पहिला कचरा डेपो बुरुडगावला झाला आहे. आता सावेडीतही स्वतंत्र कचरा डेपो असला तरी मागील सुमारे १५-२० वर्षांपासून असलेल्या बुरुडगाव कचरा डेपोत वर्षानुवर्षे कचरा टाकला जात होता. या कचऱ्यातून खत निर्मितीचा प्रकल्प पाच वर्षांपूर्वी राबवला गेला. पण मागील २ वर्षांपासून नवा ठेकेदार नेमता आला नसल्याने तोही बंद आहे. मात्र हा खत प्रकल्प होण्याच्या आधीपासून इथं शहरभरातून सुमारे १०० टन कचरा गोळा करून आणून टाकलेल्या कचऱ्यावर काहीच प्रक्रिया होत नव्हती. कचऱ्याची दुर्गंधी परिसरात पसरू लागली तर मग कोणीतरी तो पेटवून देत असे आणि त्यामुळे परिसरात धुराचे साम्राज्य पसरायचं .त्यामुळे बुरुडगावच्या रहिवाशांनी राष्ट्रीय हरित लवादात तक्रार केली आहे, त्यांनंतर मनपाने इथं खत निर्मिती प्रकल्प, कचऱ्यातील पाणी वाहून जाण्यासाठी गटार, अंतर्गत रस्ते, डेपोला संरक्षक भिंत, कचरा भिजू नये म्हणून मान्सून शेडसारखी कामे केली. मात्र वर्षानुवर्षे पडून असलेल्या कचऱ्याच्या विल्हेवाटीची समस्या मोठी असल्याने ती आता ऐरणीवर घेण्यात आली आहे.

Watch बुरूडगावच्या कचऱ्याची लागणार विल्हेवाट ,नगर मनपा करणार बायोमायनिंग प्रक्रिया With HD Quality

#News#Metro

સમાચાર