PM Narendra Modi to launch BJP campaign with three rallies

കര്‍ണാടക വിഴുങ്ങാന്‍ താമര...!!!

അണിയറയിലെ ചാണക്യ തന്ത്രങ്ങളുടെ അരങ്ങായി കര്‍ണാടക മാറുന്നു


കര്‍ണാടക നിയമസഭ തെരഞ്ഞെടുപ്പില്‍ ബിജെപിക്ക് വേണ്ടി വന്‍ പ്രചാരണവുമായി പ്രധാനമന്ത്രി നരേന്ദ്രമോദി.ചാമരഞ്ചനഗറില്‍ എത്തിയ മോദി ആദ്യ റാലിയെ അഭിസംബോധന ചെയ്യും.ശേഷം ഉഡുപ്പിയിലേക്ക്.വൈകിട്ട് ബെലാഗാവിയിലെ ചിക്കോഡിലെ മൂന്നാമത്തെ റാലി.ചുരുക്കി പറഞ്ഞാല്‍ മെയ് 8 വരെ 12 ഓളം റാലികളില്‍ ഭരണമികവെടുത്ത് പയറ്റി വോട്ടുതേടാന്‍ മോദിയുണ്ടാകും.കനത്ത മത്സരം പ്രതീക്ഷിക്കുന്ന ബിജെപി രണ്ടും കല്‍പ്പിച്ചാണ് സംസ്ഥാനത്ത് പ്രചാരണം നടത്തുന്നത്.കര്‍ണാടക തെരഞ്ഞെടുപ്പ് തീയതി പ്രഖ്യാപിച്ച ശേഷം ഇതാദ്യമായാണ് മോദി ദക്ഷിണേന്ത്യ സന്ദര്‍ശിക്കുന്നത്.
നരേന്ദ്ര മോദി മാത്രമല്ല ബിജെപി അദ്ധ്യക്ഷന് അമിത് ഷായും ശ്രദ്ധ കേന്ദ്രീകരിക്കുന്നത് കര്ണാടകയില്‍ തന്നെ.മുതിര്‍ന്ന ബിജെപി നേതാവും മുന്‍ മുഖ്യമന്ത്രിയുമായ യെദൂരപ്പയെയാണ് മുഖ്യമന്ത്രി സ്ഥാനാര്‍ത്ഥിയായി ബിജെപി ഉയര്‍ത്തികാട്ടുന്നത്.സിദ്ധരാമയ്യയുടെ കീഴിലുള്ള കോണ്‍ഗ്രസ് സര്‍ക്കാരിനെ പടിയിറക്കി അവിടെ താമരവിരിയിക്കാനുള്ള തന്ത്രങ്ങളാണ് ബിജെപി നടത്തുന്നത്.തെരഞ്ഞെടുപ്പ് അടുക്കെ മോദി നേരിട്ടെത്തി പ്രചാരണം നടത്തുന്നത് ബിജെപി അനുകൂല വികാരം ഉണ്ടാക്കുമെന്നാണ് പാര്‍ട്ടിയുടെ കണക്കുക്കൂട്ടല്‍

#malayalamnews#News60ML

बातम्या