गुजरातमध्ये भाजपने राखला गड , काँग्रेसला देखील मोठे यश

गुजरात आणि हिमाचल प्रदेशच्या विधानसभा निवडणूक निकालांमध्ये भाजपनं बाजी मारल्यानं पंतप्रधान नरेंद्र मोदी यांचा चेहरा खुललाये. संसदीय कामकाजात भाग घेण्यासाठी आज सभागृहात प्रवेश करताना विजयाची खूण दर्शवत मोदींनी हा आनंद व्यक्त केला. केंद्रातील सत्तेत साडेतीन वर्षं पूर्ण करणाऱ्या पंतप्रधान नरेंद्र मोदी यांच्यासाठी गुजरातची निवडणूक अत्यंत महत्त्वाची मानली जात होती. काँग्रेसचे नवे अध्यक्ष राहुल गांधी यांनी स्वत:ला प्रचारात झोकून दिले होते. दलित, ओबीसी आणि पटेल समाजाची मोट बांधून काँग्रेसनं भाजपसमोर कडवं आव्हान उभं केलं होतं. जीएसटी, नोटाबंदीच्या असंतोषाला हवा देऊन भाजपविरोधात जबरदस्त वातावरण निर्मितीही केली होती. गुजरातमध्ये सत्तापालट होईल, असे दावेही काँग्रेसकडून केले जात होते. मात्र, सगळे फॅक्टर फोल ठरवत भाजपनं पुन्हा एकदा गुजरात राखलं आहे. त्याचबरोबर, हिमाचल प्रदेशची सत्ता काँग्रेसकडून खेचून आणली आहे.

#marathinews#punemetro

News