Arunachal Pradesh is the land of sunrise

ഉദയസൂര്യന്റെ നാട് അഥവ അരുണാചല്‍ പ്രദേശ്


പ്രകൃതി സൗന്ദര്യവും ഹരിതവും സമൃദ്ധവുമായ വനഭൂമിയും പര്‍വതങ്ങളുമുള്ള നാടാണ് ഉദയസൂര്യന്റെ നാട് എന്ന് വിളിപ്പേരുള്ള അരുണാചല്‍ പ്രദേശ്.

ജനസാന്ദ്രത തീരെ കുറഞ്ഞ ഈ സംസ്ഥാനത്തിന് തെക്ക് ആസാം, നാഗാലാന്‍ഡ് സംസ്ഥാനങ്ങളും വടക്കും പടിഞ്ഞാറും കിഴക്കും യഥാക്രമം അയല്‍രാജ്യങ്ങളായ ചൈന, ഭൂട്ടാന്‍, മ്യാന്മാര്‍ എന്നിവയുമായും അതിര്‍ത്തി പങ്കിടുന്നു. സഞ്ചാരികളെ എന്നും മോഹിപ്പിക്കുന്ന അരുണാചലിലെ പ്രധാന ടൂറിസ്റ്റ് കേന്ദ്രമാണ് ബലുക്പോങ്. തിരക്കുകളില്‍ നിന്നും ബഹളങ്ങളില്‍ നിന്നും ഒഴിഞ്ഞുമാറി പ്രകൃതിയുടെ മനോഹാരിതയുള്ള ഒരിടം. അതാണ് ബലുക്പോങ്. ഹിമാലയത്തിന്റെ താഴ്വാരങ്ങളില്‍ സ്ഥിതി ചെയ്യുന്ന കൊച്ചു ഗ്രാമം. കമേങ് ജില്ലയിലാണ് ബലുക്പോങ് സ്ഥിതി ചെയ്യുന്നത്.കമേങ് നദിയയ്ക്ക് സമാന്തരമായി ഇരുവശങ്ങളിലും കാടുകള്‍ തിങ്ങി നിറഞ്ഞു കിടക്കുന്ന ഇവിടം അരുണാചല്‍ പ്രദേശില്‍ ഒരു യാത്രികനു കണ്ടെത്താന്‍ കഴിയുന്ന ഏറ്റവും മനോഹരമായ സ്ഥലമാണ്. ഗോത്ര വിഭാഗക്കാരാണ് ഇവിടുത്തെ താമസക്കാര്‍.റാഫ്ടിങ്, ട്രക്കിങ്, ഹൈക്കിങ്, സെസാ ഓര്‍ക്കിഡ് സാങ്ച്വറി, പഖൂയ് വൈല്‍ഡ് ലൈഫ് സാങ്ച്വറി തുടങ്ങിയവയാണ് ഇവിടുത്തെ ആകര്‍ഷണങ്ങള്‍. ഒക്ടോബര്‍ മുതല്‍ ഏപ്രില്‍ അവസാനം വരെയുള്ള സമയമാണ് ബലുക്പോങ് സന്ദര്‍ശിക്കാന്‍ യോജിച്ച സമയം.

Arunachal Pradesh is the land of sunrise

#News#Kerala

News