റഷ്യയുടെ യാത്ര വിമാനം നിർമ്മിക്കാൻ എച്ച്എഎൽ

റഷ്യയുടെ യാത്ര വിമാനം നിർമ്മിക്കാൻ എച്ച്എഎൽ

ഇന്ത്യയിലെ ആഭ്യന്തര വിമാനക്കമ്പനികൾക്ക് പ്രിയങ്കരവും ലാഭകരമായി ഉപയോഗിക്കാവുന്നതുമായ ടർബോപ്രോപ് വിമാനങ്ങൾ ഇവിടെത്തന്നെ നിർമിക്കാൻ പൊതുമേഖലാ വിമാനനിർമാണ കമ്പനിയായ ഹിന്ദുസ്ഥാൻ എയ്റോനോട്ടിക്സ് ലിമിറ്റഡി(എച്ച്എഎൽ)നു പദ്ധതി. റഷ്യയുടെ ഇല്യൂഷിൻ ഐഎൽ–114 വിമാനമാണിപ്പോൾ ഇതിനായി പരിഗണനയിലുള്ളത്.

ആദ്യം വിമാനങ്ങളുടെ അറ്റകുറ്റപ്പണികൾ നടത്തുകയും ഏതാനും വർഷങ്ങൾക്കുള്ളിൽ വിമാനഭാഗങ്ങൾ ഇറക്കുമതി ചെയ്ത് ഇവിടെ അസംബിൾ ചെയ്തു വിൽക്കുകയുമാണ് ലക്ഷ്യം. ഇതിനായി യുഎഇയിലെ പിജെഎസ് സി എന്ന കമ്പനിയുമായി ധാരണയിലെത്തിയിട്ടുണ്ട്. പിജെഎസ് സിക്ക് ഇല്യൂഷിൻ വിമാനങ്ങളുടെ അറ്റകുറ്റപ്പണികൾക്കുള്ള സർട്ടിഫിക്കേഷൻ ലഭിക്കുന്നതിനുള്ള നടപടികൾ നടന്നുവരുന്നു. 2021ൽ ഇതു ലഭിച്ച് പ്രവർത്തനമാരംഭിക്കാൻ കഴിയുമെന്നാണ് പ്രതീക്ഷ. ഇല്യൂഷിൻ കമ്പനിയുമായി എച്ച്എഎല്ലും ധാരണയിലെത്തിയിട്ടുണ്ട്

ഇല്യൂഷിൻ ഐഎൽ–114 വിമാനം റഷ്യ ആദ്യം പുറത്തിറക്കിയത് 1990ലാണ്. അന്ന് നിലവിലുണ്ടായിരുന്ന അന്റോനോവ് എഎൻ–24വിമാനത്തിനു പകരമായാണ് ഇതിറക്കിയത്. 1986ൽ ആരംഭിച്ച പ്രവർത്തനങ്ങളുടെ ഭാഗമായാണ് 90ൽ വിമാനം പുറത്തിറക്കാനായത്.

റഷ്യയുടെ എയ്റോഫ്ലോട്ട് കമ്പനി ഉപയോഗിച്ചിരുന്ന അന്റോനോവ് വിമാനത്തേക്കാൾ മികച്ചതൊരെണ്ണം രൂപകൽപന ചെയ്യാനുള്ള പദ്ധതിയിലാണ് ഇല്യൂഷിൻ ജന്മമെടുത്തത്. 60 യാത്രക്കാരുമായി, 500 കിലോമീറ്റർ വേഗത്തിൽ കുറഞ്ഞത് 1000 കിലോമീറ്ററെങ്കിലും നിർത്താതെ പറക്കുന്ന വിമാനമായിരുന്നു ലക്ഷ്യം.

1989 മുതൽ വിമാനം പരീക്ഷണപ്പറക്കൽ ആരംഭിച്ചു. അത്യാധുനികമല്ലാത്ത റൺവേകളിലും ഇറങ്ങാനാകുമെന്നതും വിമാനത്തിന്റെ മേന്മയായി. ഉസ്ബക്കിസ്ഥാൻ എയർലൈൻസ് ആയിരുന്നു ആദ്യം വാണിജ്യ സർവീസുകൾക്കായി ഉപയോഗപ്പെടുത്തിയത്. 64 പേർക്കു സഞ്ചരിക്കാവുന്ന വിമാനമാണ് ആദ്യ പതിപ്പിലിറങ്ങിയത്. രണ്ട് ടർബോപ്രോപ് എൻജിനുകളാണ് ഉപയോഗിച്ചത്.

ഇന്ത്യൻ വിമാനക്കമ്പനികൾ ആഭ്യന്തര വിമാനസർവീസുകൾക്കായി ഒട്ടേറെ എടിആർ വിമാനങ്ങൾ ഉപയോഗിക്കുന്നുണ്ട്.

കേന്ദ്ര സർക്കാരിന്റെ ഉഡാൻ പദ്ധതിയുടെ ഭാഗമായി കൂടുതൽ ഇത്തരത്തിലുള്ള വിമാനങ്ങൾ ഇന്ത്യയിലെ വിമാനക്കമ്പനികൾ വാങ്ങാനുള്ള സാധ്യതയും മുൻകണ്ടാണ് എച്ച്എഎൽ പദ്ധതി തയാറാക്കിയിരിക്കുന്നത്.Ha, L, Flights, Aire, Froce, Malayalm, , Ha l flights aire froce malayalm , :mathrubhumi, Malayalam, New

#Malayalam#keralam#News60ML#news60#news60malayalam#news60today#news60mltoday#news60mllatest#News60mlnewvideo#news60mlvideo#Russiastravelplane

خبریں