वाशी : तालुक्यातील दसमेगांव येथे आज दि.१३रोजी पावसाची जोरदार बॅटिंग झाली

वाशी तालुक्यातील दसमेगांव येथे आज दि.१३रोजी पावसाची जोरदार बॅटिंग झाली.ढगफुटीसदृश्य पावसाचे वातावरण निर्माण झाले होते.या पावसामुळे येथील नदीला मोठा पूर आला होता. यामुळे या रस्त्यावरील वाहतूक दोन ते अडीच तास थांबवावी लागली. या रस्त्याने कळंबकडून वाशीकडे येणाऱ्या वाहनांना येरमाळ्याहून वाशी कडे येणाऱ्या पर्यायी रस्त्याने लांब अंतरावरुन वाशीला यावे लागले.
हाती आलेल्या वृत्तानुसार आज दुपारी १-३० वाजता परतीच्या पावसाने दसमेगांव येथे जोरदार हजेरी लावली या पावसामुळे वाशी तालुक्यातील झिन्नर आणि दसमे गांव या दोन गावांमधील नदींना मोठा पूर आलेला पाहायला मिळाला. ही नदी आपले पात्र सोडून दोन्ही बाजूने दूर दूर पर्यंत पाण्याने जमिनीची माती वाहून पाण्याबरोबर जात होती. यामुळे वाहतुकीचा फार मोठा खोळंबा झाला. दसमेगाव व झिन्नर हे कळंब रस्त्यावरील गावे आहेत. या ठिकाणाहून कळंब व वाशीकडे बस बरोबर खाजगी वाहनाची वर्दळ असते. नदीला पूर आल्याने दोन ते अडीच तास या वाहतुकीचा खोळंबा झाला. कळंबकडून वाशीकडे येणाऱ्या वाहनांना पर्यायी मार्ग म्हणून येरमाळा मार्गे वाशीला यावे लागले. नदीला पूर आल्याने या ठिकाणी बघ्यांची मोठी गर्दी जमली होती. सोयाबीन पिकामध्ये ही मोठ्या प्रमाणावर पाणी साचले. सोयाबीन पिकाचे मोठे नुकसान झाले आहे.
आज सकाळी आकाश स्वच्छ होऊन सर्वत्र ऊन पडले होते. आजच्या दुपारच्या उन्हामधे मोठी उष्णता जाणवत होती. उन्हात गेले तर ऊन चटकत होते. आज मोठा पाऊस होईल असे वाटत असतानाच आज दुपारी पावसाने जोरदार हजेरी लावली. वाशी येथे ही आज पावसाने जोरदार हजेरी लावली. गोलेगांव=वाशी येथील रस्त्यावरील नदीलासुध्दा पूर आला होता. या पावसामुळे सोयाबीन काढणीचा मोठा घोटाळा होत असून जे काहीे आले तेसुध्दा पावसाने काढणे मुश्कील झाले आहे.हा येणारा पाऊस आता थांबावा असे शेतकरी बोलत आहेत.

वाशी : तालुक्यातील दसमेगांव येथे आज दि.१३रोजी पावसाची जोरदार बॅटिंग झाली

#breakingnews#maharashtra#newsupdate#aurangabadnews#ainnews#mahrathinews

समाचार