करमाड : गेल्या दिवसापासून करमाड महाराष्ट्र बँकेसमोर 'प्रहार'चे उपोषण.

येथील बँक ऑफ महाराष्ट्र शाखेत शेतकऱ्यांना गेल्या सहा महिन्यांपासून पीक कर्जासाठी चकरा माराव्या लागत आहे. हे शेती कर्ज प्रकरण अडवून शेतकऱ्यांना त्रास देणाऱ्या बँक व्यवस्थापकांची चौकशी करावी यासाठी प्रहार जनशक्ती पक्षाचे जिल्हाध्यक्ष सुधाकर शिंदे यांच्या नेतृत्वाखाली शेतकऱ्यांनी बँकसमोर उपोषण सोमवार दि.१४ नोव्हेंबर रोजीपासून सुरू करण्यात आले आहे. या उपोषणाचा तिसरा दिवस होत आहे. थंडीगाऱ्यात हे उपोषण दिवसरात्र सुरू असून मात्र तरी देखील बँक व्यवस्थापकांना जाग आली नाही अशी खंत उपोषणकर्ते यांनी व्यक्त केली आहे. या उपोषणकर्तेनी दिलेल्या निवेदनात म्हटले की, बँक ऑफ महाराष्ट्र शाखेच्या व्यवस्थापक अंकिता पवार या शेतकऱ्यांना पीक कर्जासाठी गेल्या सहा महिन्यांपासून बँकेमध्ये शेतकऱ्यांना चकरा भारण्यास भाग पाडत आहे. जो शेतकरी दहा टक्के रक्कम देईल त्यांची प्रकरणे मंजूर करण्यात येतात, असा आरोप उपोषणास बसलेल्या रामदास सुखदेव साळुंखे, दत्ता दिगंबर बनसोडे, कृष्णा दादाराव साळुंखे, देविदास साळूबा बनसोडे, बाबासाहेब दिगंबर बनसोडे आदी शेतकऱ्यांनी केला आहे.
पीक कर्जासाठी मागील सहा महिन्यापासून चकरा मारणाऱ्या शेतकऱ्यांचे कर्ज मंजूर न झाल्यास व व्यवस्थापक अंकिता पवार यांची चौकशी करुन योग्य ती कार्यवाही न केल्यास बँक ऑफ महाराष्ट्र, शाखा करमाड बँकेसमोर अजून तीव्र स्वरूपाचे आंदोलन करण्यात येईल असा इशारा प्रहार जनशक्ती पक्षाचे जिल्हाध्यक्ष सुधाकर शिंदे यांनी दिला आहे. या आंदोलनादरम्यान काही अनुसूचित प्रकार घडल्यास याची सर्वस्व जबाबदारी कार्यालयाची राहील असेही ते म्हटले आहे. तरी या आंदोलनाची दखल बँक घेणार का आणि शेतकऱ्यांना न्याय देणार का याकडे सर्वांचे लक्ष लागले आहे.

करमाड : गेल्या दिवसापासून करमाड महाराष्ट्र बँकेसमोर 'प्रहार'चे उपोषण.

#breakingnews#maharashtra#newsupdate#aurangabadnews#ainnews#mahrathinews

News