फुलंब्री : शहरातील गरीब व गरजू नागरिकांना मायेची चादर व ब्लॅंकेटचे वाटप करण्यात आले.

फुलंब्री शहरातील गरीब व गरजू नागरिकांना त्यांच्या परिसरात जाऊन मायेची चादर व ब्लॅंकेटचे धर्मदाय सह आयुक्त सुरेंद्र बियाणी यांच्या हस्ते बुधवारी २८ डिसेंबर रोजी वाटप करण्यात आले. महाराष्ट्र शासनाच्या विधी व न्याय विभाग अंतर्गत धर्मदाय सह आयुक्त कार्यालय औरंगाबाद व धर्मदाय संस्था आयोजित मायेची चादर हा कार्यक्रम घेण्यात आला आहे.
फुलंब्री शहरातील जिल्हा परिषदेच्या विश्रामगृहाच्या परिसरात मोलमजुरी करून उपजीविका भागविणाऱ्या कुटुंबांना थंडीच्या दिवसांमध्ये पुरेसे कपडे नसल्याने त्यांना थंडीचा त्रास जाणवत होता. धर्मदाय सह आयुक्त यांच्या कार्यालयाच्या माध्यमातून पूर्ण राज्यभरात मायेची चादर हा उपक्रम राबविण्यात येत आहे. महाराष्ट्र राज्याचे धर्मदाय आयुक्त महेंद्र महाजन यांच्या संकल्पनेतून हा उपक्रम राबविण्यात येत आहे. या उपक्रमामुळे गरीब लाभार्थ्यांना थंडीपासून संरक्षण होणार आहे. मायेची चादर या उपक्रमांतर्गत थंडीपासून संरक्षण होण्याकरिता वयोवृद्ध नागरिक, लहान मुले, उघड्यावर राहत असलेले भटके नागरिक व कोणताही कायम स्वरुपाचा आश्रम नसलेल्या गरजूंना चादर व ब्लॅंकेटचे वाटप करण्यात आले आहे. या कार्यक्रमासाठी धर्मदाय सह आयुक्त सुरेंद्र बियाणी, धर्मदाय सह आयुक्त कार्यालयाचे निरीक्षक आकाश वानखेडे, धर्मदाय आयुक्त कार्यालयाचे निरीक्षक सुधीर दिवसे, ऑडिटर श्री. सोनवणे, वाहन चालक किशोर बच्छाव, पोलीस कॉन्स्टेबल सचिन हिवाळे, योगेश मिसाळ, रत्नाकर मस्के, राम बनसोड, मजहर सय्यद, अंकुश शेजवळ आदींची उपस्थिती होती.
......

फुलंब्री : शहरातील गरीब व गरजू नागरिकांना मायेची चादर व ब्लॅंकेटचे वाटप करण्यात आले.

#breakingnews#maharashtra#newsupdate#aurangabadnews#ainnews#mahrathinews

ಸುದ್ದಿಗಳು