वाळूज : राजमाता जिजाबाई प्राथमिक शाळेत क्रांतीज्योती सावित्रीबाई फुले यांची जयंती साजरी

राजमाता जिजाबाई प्राथमिक शाळेत क्रांतीज्योती सावित्रीबाई फुले यांची जयंती मोठ्या उत्साहात साजरी
...........
वाळूज महानगर......

रांजणगाव येथील राजमाता जिजाबाई प्राथमिक शाळेत क्रांतीज्योती सावित्रीबाई फुले यांची जयंती मोठ्या उत्साहात साजरी करण्यात आली. यानिमित्त विविध कार्यक्रमाचे आयोजन करण्यात आले होते.

क्रांतीज्योती सावित्रीबाई फुले यांच्या प्रतिमेस मान्यवरांच्या हस्ते पुष्पहार अर्पण करून अभिवादन करून कार्यक्रमास सुरुवात करण्यात आली होती. यावेळी कार्यक्रमाच्या अध्यक्षस्थानी संस्थेचे अध्यक्ष ताराबाई शिंदे तर प्रमुख पाहुणे म्हणून गणेश पवार ,ज्योती दारवंटे, शुभांगी नरवडे, बाळासाहेब कटारे ,अशोक धनगर यांची उपस्थिती होती. शाळेतील विद्यार्थ्यांची रॅली काढून सावित्रीबाई फुले यांच्या नावाच्या घोषणांनी परिसर दणाणून गेला होता. रॅलीमध्ये झांज पथक, लेझीम पथक ,सावित्रीबाई फुले व ज्योतिबा फुले यांच्या वेशभूषेत विद्यार्थी सहभागी झाले होते. रॅलीचे प्रमुख कुमार बिरदवडे हे होते.रॅली नंतर 22 विद्यार्थ्यांनी मनोगत व्यक्त केले. कार्यक्रमाचे सूत्रसंचालन मिलिंद भालेराव यांनी केले तर आभार समाधान निकम यांनी मानले.कार्यक्रम यशस्वीतेसाठी गोकुळ शिंदे , ज्ञानेश्वर जाधव, दिगंबर क्षीरसागर पुंडलिक पवार ,अमोल तेलप, सुनील सूर्यवंशी, गोविंद इंगळे, सीमा पवळे, सारिका खंदारे शारदा पुरी गीतांजली महालकर आदी शिक्षकांनी परिश्रम घेतले.

वाळूज : राजमाता जिजाबाई प्राथमिक शाळेत क्रांतीज्योती सावित्रीबाई फुले यांची जयंती साजरी

#breakingnews#maharashtra#newsupdate#aurangabadnews#ainnews#mahrathinews

ಸುದ್ದಿಗಳು