രാജ്യത്ത് ദത്തെടുക്കപ്പെട്ട 60% കുട്ടികളും പെൺകുട്ടികൾ

2015മുതല്‍ 2018വരെ 6962 പെണ്‍കുട്ടികളെയും 4687 ആണ്‍കുട്ടികളെയുമാണ് ദത്തെടുത്തത്

കഴിഞ്ഞ മൂന്ന് വര്‍ഷമായി ഇന്ത്യയില്‍ ദത്തെടുക്കപ്പെട്ട 60% കുട്ടികളും പെണ്‍കുട്ടികളെന്ന് സര്‍ക്കാര്‍ കണക്കുകള്‍.
2015മുതല്‍ 2018വരെ 6962 പെണ്‍കുട്ടികളെയും 4687 ആണ്‍കുട്ടികളെയുമാണ് ദത്തെടുത്തത്. ഫെബ്രുവരി എട്ടിന് ലോക്‌സഭയില്‍ വനിതശിശുക്ഷേമ മന്ത്രാലയം കൊടുത്ത കണക്കാണിത്. 2015മുതല്‍ 18വരെയുള്ള കാലഘട്ടത്തില്‍ 11649 കുട്ടികളാണ് ദത്തെടുക്കപ്പെട്ടത്. ഇതില്‍ 6962പേരും പെണ്‍കുട്ടികളാണ്. അതായത് ആകെ ദത്തെടുക്കപ്പെട്ട കുട്ടികളുടെ 60% വരുമിത്.
ഇന്ത്യയ്ക്കകത്തും പുറത്തേക്കുമായി ദത്തെടുക്കപ്പെട്ട കുട്ടികളുടെ ആകെ കണക്കാണിത്.
2015-2016ല്‍ ദത്തെടുക്കാനായി പട്ടികയിൽ ഇടം നേടിയ 3011 കുട്ടികളില്‍ 1855 പേരും പെണ്‍കുട്ടികളായിരുന്നു. 2016-17 ആയപ്പോള്‍ പെണ്‍കുട്ടികളുടെ എണ്ണം 1915 ആയി വര്‍ധിച്ചു. 2017-18ലും 2018-19ലും ഡിസംബര്‍ വരെയുള്ള കണക്കുകള്‍ പ്രകാരം 3276 , 2152 പേരായിരുന്നു ദത്തെടുക്കാനുള്ള പട്ടികയിലുണ്ടായിരുന്നത്. ഇതില്‍ 1943, 1249 എന്നിങ്ങനെയായിരുന്നു പെണ്‍കുട്ടികളുടെ എണ്ണം.
പെൺകുട്ടികളോടുള്ള വിവേചനം രാജ്യത്ത് കുറഞ്ഞ് വരുന്നതിനുള്ള തെളിവാണ് ഈ കണക്കുകൾ എന്നാണ് വിദഗ്ധ നിരീക്ഷണം.Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

രാജ്യത്ത് ദത്തെടുക്കപ്പെട്ട 60% കുട്ടികളും പെൺകുട്ടികൾ

By News60 ML| 52 views