औरंगाबाद- ३०० एकरवरील हिमायतबागेत होणार राज्यातील सर्वात मोठा जैवविविधता प्रकल्प

३०० एकरवरील हिमायतबागेत होणार राज्यातील सर्वात मोठा जैवविविधता प्रकल्प..

औरंगाबाद : ऐतिहासिक हिमायत बागेत मागील अनेक दशकांपासून परभणीच्या वसंतराव नाईक मराठवाडा कृषी विद्यापीठांतर्गत फळ संशोधन केंद्र चालविण्यात येत होते. आता तब्बल ३०० एकरहून अधिक मोठा परिसर जैवविविधता प्रकल्प म्हणून घोषित करण्याच्या हालचालींना वेग आला असून, यासंदर्भात पहिली बैठकही घेण्यात आली. प्रकल्पातील लहान-मोठी अतिक्रमणे काढून पुढील निर्णय घेण्यात येणार आहे.

मुंबई उच्च न्यायालयाच्या औरंगाबाद खंडपीठात अंब्रेला वेलफेअर फाउंडेशनतर्फे एक जनहित याचिका दाखल करण्यात आली आहे. न्यायालयाने हिमायतबाग जैवविविधता वारसास्थळ घोषित करण्याचे आदेश दिले आहेत. परभणी कृषी विद्यापीठाने यासंदर्भात महापालिकेकडे रीतसर प्रस्तावही दाखल केला. या प्रस्तावानुसार महापालिका प्रशासक आस्तिककुमार पाण्डेय यांच्या अध्यक्षतेखाली जैवविविधता समितीची बैठक १२ जुलै रोजी घेण्यात आली. बैठकीत ऐतिहासिक हिमायतबागेसंदर्भात उपस्थित तज्ज्ञांनी सविस्तर चर्चा केली.

औरंगाबाद- ३०० एकरवरील हिमायतबागेत होणार राज्यातील सर्वात मोठा जैवविविधता प्रकल्प

oleh AIN News TV| 152 dilihat