A 30 Crore Automobile Township Project In Kasaragod Automobile

കാസര്‍കോട് ജില്ലയില്‍ 30 കോടി ചിലവിൽ ബസ് ബോഡി നിര്‍മാണ യൂണിറ്റുള്‍പ്പടെയുള്ള ഓട്ടോമൊബൈല്‍ ടൗണ്‍ഷിപ്പ് വരുന്നു.120 കോടി രൂപ പ്രതിവര്‍ഷ വിറ്റുവരവ് ലക്ഷ്യമിടുന്ന അത്യാധുനിക സംവിധാനത്തോടെ തുടങ്ങുന്ന സംരംഭത്തിന് മുന്‍കൈയെടുക്കുന്നത് ഓട്ടോമൊബൈല്‍ വര്‍ക്സ്‌ഷോപ്പ് അസോസിയേഷനാണ്. കാസര്‍കോട് അനന്തപുരം വ്യവസായ എസ്റ്റേറ്റിലോ കാഞ്ഞങ്ങാട് ഗുരുവനത്തോ 20 ഏക്കര്‍ ഭൂമിയാണ് ഇതിനായി കണ്ടെത്തുക . അടിസ്ഥാനസൗകര്യ വികസനത്തിനുള്‍പ്പടെ കേന്ദ്ര ചെറുകിട വ്യവസായ മന്ത്രാലയം 25 കോടി രൂപയുടെ സാബത്തികസഹായം നല്‍കും. അഞ്ചുകോടി രൂപ അസോസിയേഷനില്‍ അംഗങ്ങള്‍, പുറത്തുള്ള സംരംഭകര്‍ തുടങ്ങി ഒട്ടേറെപ്പേരില്‍നിന്ന് ഓഹരിയായി സമാഹരിക്കും. പദ്ധതിയുടെ ആദ്യഘട്ട രൂപരേഖ തയ്യാറായി.ജില്ലയില്‍ ഓട്ടോ മൊബൈല്‍ വര്‍ക്‌ഷോപ്പ് രംഗത്ത് പുത്തനുണര്‍വുണ്ടാക്കുന്ന പദ്ധതിക്ക് കാസര്‍കോട് ഓട്ടോമൊബൈല്‍ ക്ലസ്റ്റര്‍ എന്ന പേരില്‍ കൂട്ടായ്മയുണ്ടാക്കിയുള്ള പ്രവര്‍ത്തനവും തുടങ്ങി കഴിഞ്ഞു

#malayalamnews#News60ML#MalayalamAutosVehiclesVideo

വാഹനങ്ങൾ