शिवसेना इतकी वर्षे युतीत सडली आणि आता १२४ वर आली - राज ठाकरे

मनसे अध्यक्ष राज ठाकरे यांनी सध्या राज्यात प्रचाराचा धडाका सुरू केला असून गोरेगाव येथील सभेत त्यांनी भाजपसोबतच शिवसेनेवर सडकून टीका केली. शिवसेना पक्षप्रमुख उद्धव ठाकरे यांची नक्कल करत, 'शिवसेना इतकी वर्षे युतीत सडली आणि आता १२४वर आली', असा सणसणीत टोला राज यांनी लगावला. बाळासाहेब असताना शिवसेनेला माणसे आयात करण्याची गरज कधी भासली नाही, असा निशाणाही राज यांनी साधला.सांताक्रुझनंतर गोरेगाव येथे राज यांची दुसरी सभा झाली. या सभेत विविध मुद्द्यांना हात घालत राज यांनी सत्ताधारी भाजप आणि शिवसेनेला धारेवर धरले. उद्धव ठाकरे यांच्या शिवतीर्थावरील भाषणाचा दाखला देत राज यांनी थेट हल्ला चढवला. शिवसेनेच्या पक्षप्रमुखांनी भाजपविरुद्ध मोठी आरोळी ठोकली होती. आमची इतकी वर्षे युतीत सडली मात्र यानंतर कुणाही पुढे झुकणार नाही, असे ते म्हणाले होते. मग आता काय झाले?, तुमची इतकी वर्षे सडली मग आता तुमची गाडी १२४ जागांवर कशी अडली, असा चिमटा घेत भाजपसोबत जागावाटपात १२४ जागांवर समाधान मानून घेणाऱ्या उद्धव यांची राज यांनी खिल्ली उडवली,तसेच आरेतील वृक्षतोडीवरूनही राज यांनी शिवसेनेला लक्ष्य केले. सरकारमध्ये शिवसेनेचा पर्यावरण मंत्री असतानाही ते झाडांची कत्तल थांबवू शकले नाहीत आणि आता मात्र आमच्या हातात सत्ता दिल्यास आम्ही आरेला जंगल घोषित करू, असे पक्षप्रमुख सांगत सुटले आहेत. ते लोकांना मुर्ख समजतात का?, असा सवालच राज यांनी याप्रसंगी केलाय.

Watch शिवसेना इतकी वर्षे युतीत सडली आणि आता १२४ वर आली - राज ठाकरे With HD Quality

#bjp#Crime#Sports#congress#News#Politics#Today#Movie#entertainment#maharashtra#NCP#ShivSena#BIG#NATIONAL#INTERNATIONAL#pune#Social#CITY#Ahmednagar#Metro#Rashtravadi#jeevan#g1#mahanagar#pimpri#beed#parbhani#headline#Vikhe#Jagtap#Sujay#Sangram#metronews1

ಸುದ್ದಿಗಳು