No need of fathers name in birth certificate:Chennai Court

ബഹുത് 'അച്ഛാ '... പക്ഷെ പേര് വേണ്ട !


കൃത്രിമ ഗര്‍ഭധാരണം: കുഞ്ഞിന്റെ ജനന സര്‍ട്ടിഫിക്കറ്റില്‍ അച്ഛന്റെ

പേര്‍ വേണ്ടെന്ന് കോടതി



കൃത്രിമ ഗര്‍ഭ ധാരണത്തിലൂടെ യുവതി ജന്‍മം നല്‍കിയ കുഞ്ഞിന്

അച്ഛന്‍റെ പേര് നിര്‍ബന്ധമല്ലെന്ന് മദ്രാസ് ഹൈക്കോടതി. കുഞ്ഞിന്‍റെ

ജനന സര്‍ട്ടിഫിക്കറ്റില്‍ നിന്ന് അച്ഛന്റെ പേര് നീക്കം ചെയ്യാന്‍ കോടതി

ഉത്തരവിട്ടു.ചെന്നൈയിലാണ് സംഭവം. ബീജ ദാതാവിന്‍റെ

സഹായത്തോടെ ഇന്‍ട്രാ യൂട്ടറൈന്‍ ഫെര്‍ട്ടിലിറ്റി

ചികിത്സയിലൂടെയാണ് തിരിച്ചിറപ്പിള്ളിക്കാരിയായ മധുമിത രമേശ്

ഗര്‍ഭം ധരിക്കുന്നത്.എന്നാല്‍ തിരുച്ചിറപ്പള്ളി നഗരസഭ നല്‍കിയ

കുഞ്ഞിന്‍റെ ജനന സര്‍ട്ടിഫിക്കറ്റില്‍ മനീഷ് മദന്‍പാല്‍ മീന എന്നാണ്

അച്ഛന്‍റെ പേരായി രേഖപ്പെടുത്തിയിരിക്കുന്നത്. സുഹൃത്തായ മീന

കുട്ടിയുടെ അച്ഛനല്ലാത്തതിനാല്‍ അച്ഛന്‍റെ പേര് നീക്കണമെന്ന്

മധുമിത നഗരസഭയോട് ആവശ്യപ്പെട്ടു.
എന്നാല്‍ പേര് തിരുത്താന്‍ മാത്രമേ കഴിയുകയുള്ളൂവെന്നും നീക്കം

ചെയ്യാനാവില്ലെന്നുമായിരുന്നു നഗരസഭയുടെ മറുപടി.മധുര

ബെഞ്ചില്‍ അറിയിച്ചെങ്കിലും പ്രശ്നത്തില്‍ പരിഹാരമാകാത്തതിനെ

തുടര്‍ന്നാണ്‌ മധുമിത മദ്രാസ് ഹൈക്കോടതിയെ സമീപിച്ചത്. വാദം

കേട്ട കോടതി ഒരാഴ്ച്ചയ്ക്കുള്ളില്‍ അച്ഛന്‍റെ പേര് നീക്കണമെന്ന്

തിരുച്ചിറപ്പള്ളി നഗരസഭയ്ക്ക് കോടതി നിര്‍ദേശം

നല്‍കുകയായിരുന്നു.

#malayalamnews#News60ML

News