Record increase in price of petrol and diesel

പെട്രോള്‍ സെഞ്ച്വറി അടിക്കുവോ ?



കേരളത്തില്‍ പെട്രോള്‍ വില സര്‍വ്വകാല റെക്കോര്‍ഡില്‍



കേരളത്തില്‍ പെട്രോള്‍, ഡീസല്‍ വില സര്‍വകാല റെക്കോര്‍ഡിലെത്തി. കര്‍ണാടക തിരഞ്ഞെടുപ്പിന്‍റെ പശ്ചാത്തലത്തില്‍ നിര്‍ത്തിവെച്ചിരുന്ന ദിവസേനയുള്ള പെട്രോള്‍-ഡീസല്‍ വിലനിര്‍ണയം പുന:രാരംഭിച്ചതോടെ കേരളത്തില്‍ പെട്രോള്‍, ഡീസല്‍ വില സര്‍വ്വകാല റെക്കോര്‍ഡിലെത്തി. തിരുവനന്തപുരത്ത് ഇന്നത്തെ പെട്രോള്‍ വില ലിറ്ററിന് 80.01 രൂപയാണ്. 73.06 പൈസയാണ് തിരുവനന്തപുരത്ത് ഒരു ലിറ്റര്‍ ഡീസലിന്‍റെ വില. ഇന്ന് കൂടിയത് 24 പൈസ. അഞ്ച് ദിവസം കൊണ്ട് ഒരു രൂപ അഞ്ച് പൈസയാണ് പെട്രോളിന് വര്‍ധിച്ചത്. അതായത് ദിവസേന ഏകദേശം 20 പൈസയുടെ വര്‍ധനവ്. രണ്ടാഴ്ചയോളം ദിവസേനയുള്ള വിലനിര്‍ണയം നടന്നിരുന്നില്ല.ഈ കാലയളവില്‍ ക്രൂഡ് ഓയില്‍ വില ഒന്നര ഡോളറോളം കൂടിയിരുന്നു. ഇന്ധനവിലയിലെ തീരുവകള്‍ കുറയ്ക്കില്ലെന്ന് സംസ്ഥാന ധനമന്ത്രി ഡോ. തോമസ് ഐസക് ആവര്‍ത്തിച്ച് വ്യക്തമാക്കിയിട്ടുണ്ട്. കേന്ദ്രനികുതികള്‍ കുറയ്ക്കട്ടേയെന്നാണ് അദ്ദേഹത്തിന്‍റെ നിലപാട്.

#malayalamnews#News60ML

News