VIOLENCE IN BENGAL PANCHAYAT ELECTION

വോട്ടെടുപ്പ്; വിരല്‍മുറി; ചുട്ടുകൊല്ലല്‍!



ബംഗാളിൽ പഞ്ചായത്ത് തിരഞ്ഞെടുപ്പിന്റെ വോട്ടെടുപ്പിനിടെ വ്യാപക അക്രമം.

സൗത്ത് 24 പർഗാനയിൽ സിപിഎം പ്രവർത്തകരായ ദമ്പതികളെ തീകൊളുത്തി കൊല്ലപ്പെടുത്തി. തൃണമൂൽ കോൺഗ്രസ് പ്രവർത്തകരാണിതിനു പിന്നിലെന്നാണു റിപ്പോർട്ടുകൾ. മൂന്നിടങ്ങളിൽ സ്ഫോടനമുണ്ടായി. താരകേശ്വറിൽ രണ്ടു ബിജെപി സ്ഥാനാർഥികളെ മർദിച്ചതായും റിപ്പോർട്ടുകളുണ്ട്.അടുത്ത ലോക്സഭ തിരഞ്ഞെടുപ്പിനു മുൻപു സംസ്ഥാനത്തു നടക്കുന്ന പ്രധാന തിരഞ്ഞെടുപ്പാണ് ഇപ്പോൾ നടക്കുന്നത്.

ആഴ്ചകൾ നീണ്ട നിയമയുദ്ധത്തിനൊടുവിലാണു തിരഞ്ഞെടുപ്പിലേക്കു കാര്യങ്ങളെത്തിയത്. അതേസമയം, കനത്ത സംഘർഷങ്ങൾക്കിടയിലും വോട്ടെടുപ്പ് പുരോഗമിക്കുകയാണ്. ബിജെപിയുടെ പോളിങ് ഏജന്റിനെ തല്ലിയതിനു തൃണമൂൽ കോൺഗ്രസ് മന്ത്രി രബീന്ദ്രനാഥ് ഘോഷിനു തിരഞ്ഞെടുപ്പ് കമ്മിഷൻ കാരണം കാണിക്കൽ നോട്ടിസ് അയച്ചു. അതിനിടെ, ബിജെപി പ്രവർത്തകർ തൃണമൂൽ പ്രവർത്തകന്റ വിരൽ മുറിച്ചതായും റിപ്പോർട്ടുണ്ട്. അതിക്രമത്തിനു പിന്നിൽ ബിജെപിയാണെന്നു മന്ത്രി സുഭേന്ദു അധികാരി പറഞ്ഞു.

വോട്ടിങ് നടക്കുന്ന വിവിധ ബൂത്തുകൾ തൃണമൂൽ പ്രവർത്തകർ കയ്യടക്കിയ നിലയിലാണ്.

#malayalamnews#News60ML

News