सिल्लोडः मुरूम वाहतुकीमुळे रस्त्याची चाळणीवडोद चाथा भराडी रस्त्यावरील प्रकार

सिल्लोड तालुक्यातील भराडी या तीन किलोमीटर रस्त्यावर मोठमोठे खड्डे पडले असून संपूर्ण रस्त्याची चाळणी झाली आहे. तसेच भराडी ते वडोद चाथा रस्त्यावर असलेल्या धामणी नाला व वडोद चाथा जवळील पुलावर मोठमोठे खड्डे पडले असल्यामुळे वाहनधारकांना तारेवरची कसरत करावी लागत आहे. वडोद चाथा (घथाडीवस्ती) येथून विनापरवाणगी मुरमाची टिप्परच्या सहाय्याने दररोज याच मार्गावरून वाहतूक सुरू असते त्यामुळे या तीन किलोमीटर रस्त्याची अत्यंत दुरावस्था झाली आहे .तरीसुद्धा महसूल प्रशासन मात्र या संपूर्ण प्रकाराकडे कानाडोळा करत आहे. या अवैध मुरूम वाहतूकीमुले शासनाचा लाखोचा महसूल बुडत आहे सध्या नवरात्र उत्सव सूरू असून वडोद चाथा येथे प्राचीन हेमाडपंती आई जगदंबेचे मंदिर असून खानदेश विदर्भासह मराठवाड्यातून हजारो भाविक देवीच्या दर्शनासाठी नवरात्र उत्सवामध्ये आवर्जून हजेरी लावतात मात्र या तीन किलोमीटर रस्त्याची अशी अवस्था झाल्यामुळे भाविक भक्तांमधूनही नाराची व्यक्त होत आहे. गेल्या दोन वर्षांपूर्वी या रस्त्याचे काम करण्यात आले होते परंतु संबंधित ठेकेदाराकडून थातूरमातूर पद्धतीने काम केले असल्यामुळे रस्त्याची दोन वर्षातच पूर्णतः वाट लागली आहे. रस्त्याच्या दोन्ही साईटला डांबर हा खाली गेला आहे व मधोमध उंच बांध घातल्यासारखा रस्ता तयार झाला आहे.त्यामुळे या रस्त्यावरील खड्डे त्वरीत बुजविण्यात यावे, अशी मागणी वाहनधारकांनी केली आहे.

सिल्लोडः मुरूम वाहतुकीमुळे रस्त्याची चाळणीवडोद चाथा भराडी रस्त्यावरील प्रकार

#breakingnews#maharashtra#newsupdate#aurangabadnews#ainnews#mahrathinews

ଖବର