VIDEO: ગોંડલના માર્કેટ યાર્ડમાં લાગી ભીષણ આગ, આગમાં મરચા ભરેલી બોરીઓ બળીને ખાખ

ગુજરાતમાં ખેડૂતોની માઠી દશા બેઠી હોય એવું લાગી રહ્યું છે. એક બાજુ તેમના પાક વીમાની રકમને મામલે કોઈ ઉકેલ આવ્યો નથી. આ ઉપરાંત ખેડૂતોના દેવા માફી મામલે પણ રાજ્ય સરકાર દ્વારા કોઈ ઉકેલ આવ્યો નથી. આટલું ઓછું હોય એમ મગફળીના ગોડાઉનમાં પણ વર્ષની શરૂઆતમાં આગ લાગવાના બનાવો બન્યા હતા. ત્યારે આજે ગોંડલ APMC માર્કેટ યાર્ડમાં રાખવામાં આવેલાં મરચાની બોરીઓમાં આગ લાગી હતી. આ આગની ઘટના બનતા જે ખેડૂતોના મરચાનો પાક હતો તે નાશ પામ્યો હતો. આ આગને કારણે આસપાસના વિસ્તારોમાં પણ મરચાની બોરીઓની આગને કારણે અસર થવા પામી હોવાનું જાણવા મળ્યું છે.

આ અંગે મળતી વિગતો અનુસાર માર્કેટ યાર્ડમાં ખુલ્લામાં મૂકવામાં આવેલી સૂકા મરચાની બોરીઓમાં અચાનક જ આગ લાગી હતી અને આ આગ લાગતા જ એક પછી એક તમામ બોરીઓમાં આગની જ્વાળા પહોંચી જવા પામી હતી. આગના બનાવના પગલે ગોંડલ નગરપાલિકાના ફાયર ફાઇટર્સ ઘટનાસ્થળે પહોંચીને આગને કાબૂમાં લેવાના પ્રયાસો હાથ ધર્યા છે.

આ અંગે સ્થાનિક ખેડૂતો આક્ષેપ લગાવી રહ્યાં છે કે, મરચાની બોરીઓમાં આગ અચાનક લાગી નથી, પરંતુ આગ લગાડવામાં આવી છે અને આ આગમાં સ્થાનિક ખેડૂતોના તેમ જ વેપારીઓના મરચા બળીને ખાખ થઈ ગયાં છે અને તેના કારણે લાખોનું નુકશાન પણ થયું છે.

#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews#Gondal#fireaccident#GondalMarketYard

News