શું આ છે સ્વચ્છતા અભિયાન? ડીસામાં આંગણવાડીની બાજુમાં ગંદુ પાણી

કેન્દ્ર સરકાર દ્વારા સમગ્ર દેશમાં જોરશોરથી સ્વચ્છતા અભિયાન ચલાવવામાં આવી રહ્યું છે. પરંતુ ગામડાઓની વાત કરીએ તો આજે પણ અસંખ્ય ગામડા એવા છે જ્યાં લોકોના આરોગ્ય ઉપર જોખમ ઊભું કરી રહ્યા છે. આવું જ એક ગામ બનાસકાંઠા જિલ્લાના ડીસા તાલુકામાં આવેલી છે અને તેનું નામ છે નવાગામ. ડીસા તાલુકામાં આવેલું નવાગામ આ ગામની વાત કરીએ તો બનાસકાંઠા અને પાટણ જિલ્લાની સરહદને અડીને આવેલું આ ગામ અત્યારે ગંદકીથી ખદબદી રહ્યું છે. સરકાર દ્વારા સ્વચ્છતાને લઈ મસ મોટા ખર્ચાઓ કરવામાં આવી રહ્યા છે. પરંતુ તેમ છતા આ ગામમાં સામાન્ય એવી ગટરની પણ વ્યવસ્થા નથી. જેના કારણે ગામનું તમામ ગંદુ પાણી ગામના છેડે આવેલી એક આંગણવાડી પાછળ એકત્રિત કરવામાં આવી રહ્યું છે. એકદમ દુર્ગંધ મારતો આ પાણી આંગણવાડીમાં અભ્યાસ કરવા માટે આવતા બાળકોના આરોગ્ય સામે પણ જોખમ ઊભું કરી રહ્યું છે. આંગણવાડીથી માત્ર દસેક મીટર દૂર ગંદા પાણીનું તળાવ સર્જાઈ ગયું છે. પરંતુ આ ગંદા પાણીના નિકાલની કોઈ વ્યવસ્થા ન હોવાના કારણે ગામના સરપંચ દ્વારા પણ કોઈ કાર્યવાહી કરવામાં આવતી નથી.

નવાગામમાં ગંદા પાણીના નિકાલની કોઈ વ્યવસ્થા ન હોવાના કારણે ગામનું તમામ ગંદુ પાણી ગામમાં જ આવેલી આંગણવાડીના પાછળના ભાગમાં એકત્રિત કરવામાં આવી રહ્યું છે. જેના કારણે અહીં ગંદા પાણીનું મોટું સરોવર બની ગયું છે અને તેની આસપાસના વિસ્તારમાં ભારે દુર્ગંધ ફેલાઈ રહી છે. આ ગામના સરપંચના પતિનો સંપર્ક કર્યો ત્યારે તેમણે જણાવ્યું હતું કે ગંદા પાણીનો કોઈ નિકાલ કરવાની વ્યવસ્થા ન હોવાના કારણે આ દૃશ્યો સર્જાયા છે. અગાઉ તેમના દ્વારા આ ગંદા પાણીનો નિકાલ અહીંથી પસાર થતી કેનાલમાં કરવામાં આવ્યો હતો પરંતુ કેનાલના અધિકારીઓએ કેનાલમાં ગંદુ પાણી ખાવાની સ્પષ્ટના પાડી દેતા નાછૂટકે અહીં ગંદા પાણીનો નિકાલ ખુલ્લામાં કરવામાં આવી રહ્યો છે.

Know more on https://www.khabarchhe.com
Follow US On:

Facebook - https://www.facebook.com/khabarchhe/
Twitter - https://www.twitter.com/khabarchhe
Instagram - https://www.instagram.com/khabarchhe/
Youtube - https://www.youtube.com/khabarchhe

Download Khabarchhe APP
https://www.khabarchhe.com/downloadApp

Watch શું આ છે સ્વચ્છતા અભિયાન? ડીસામાં આંગણવાડીની બાજુમાં ગંદુ પાણી With HD Quality

#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews

Berita