રસ્તાના કામોમાં જોવા મળી રહ્યો છે ભારે ભ્રષ્ટાચાર

ભાવનગર જિલ્લાના જૈનોના પવિત્ર તીર્થ એવા પાલિતાણાના સોનગઢ રોડ પર જૈન સાધુ-સાધ્વીજીઓના વિહાર માટે બનાવવામાં આવેલ પગદંડીના કામને પણ ભ્રષ્ટાચારનો એરૂ આભડી ગયો અને આ પગદંડીનું કામ સાવ હલકી કક્ષાનું કરવામાં આવ્યું છે. આ અંગેનો વીડિયો વાયરલ થતા આ તંત્ર દ્વારા આ પગદંડી તોડી પાડવાની ફરજ પડી છે.

સમગ્ર વિશ્વમાં જેનું નામ છે તેવા જૈનોના પવિત્ર તીર્થ પાલિતાણામાં વર્ષ દરમિયાન હજારો યાત્રિકો, સાધુ ભગવંતો, સાધ્વીજી ભગવંતો આવતા હોય છે. પાલિતાણા ખાતે જૈનોના દરેક સાધુ વિહાર દરમિયાન પાલિતાણા આવતા હોય છે. વર્ષ દરમિયાન હજારો સાધુઓ સાધ્વીજીઓ વિહાર કરતા કરતા પાલિતાણા આવતા હોય છે, ત્યારે વારંવાર તેમના અકસ્માતની ઘટનાઓ બનતી હોય છે. આમ વિહાર દરમિયાન માર્ગો પર તેમની સુરક્ષા અને સલામતીને લઈને સરકાર દ્વારા સોનગઢથી પાલિતાણા સુધી પગદંડી બનાવવામાં આવી. કરોડોના ખર્ચે સોનગઢથી પાલિતાણા સુધી નવો ફોર ટ્રેક રોડ બનાવવામાં આવ્યો અને એકબાજુ વિહાર માટે પગદંડી બનાવવામાં આવી.

જો કે આ પગદંડીમાં લાખોનો ભ્રષ્ટાચાર આચરવામાં આવ્યો અને જે પગદંડી બનાવવામાં આવી, તેમાં સાવ હલકી કક્ષાનું મટિરિયલ વાપરવામાં આવ્યું હોવાનું જણાઈ રહ્યું છે. હજુ તો પગદંડી બની જ છે ત્યાં જ હાથ મૂકો ત્યાં માટીના ગાબડા નીકળી રહ્યા હોય તેવો વીડિયો કોઈ જાગૃત નાગરિક દ્વારા વાયરલ કરવામાં આવતા તંત્ર જાગ્યું અને આ રોડના કામની તપાસ કરવામાં આવી. આર એન્ડ બીના અધિકારીઓએ જઈ આ પગદંડીના કામકાજની રૂબરૂ તપાસ કરી ત્યારે ખરેખર આ કામમાં મોટા ગોટાળા જોવા મળ્યા. પગદંડીમાં માત્ર રેતી કપચી જ વાપરવામાં આવી હોય, તેમ આ પગદંડીને પાટુ મારો ત્યાં મોટા ગાબડાઓ નીકળી રહ્યા છે. પગદંડીના કામમાં લોટપાણીને લાકડા જેવું કામ જોવા મળ્યું. જેને લઈને લાખોના ખર્ચે બનાવવામાં આવેલ પગદંડી પાલિતાણાથી ઘોડીઢાળ સુધી નબળી કક્ષાનું કામ થયું હોવાના કારણે તોડી પાડવામાં આવી.

ત્યારે સવાલ એ થાય છે કે જે જિલ્લાના રાજ્યમાં બે-બે મંત્રીઓ હોય અને જેમાંથી એક કેન્દ્રીય મંત્રી મનસુખભાઇ માંડવીયા પાલિતાણા તાલુકાના હોય અને તેવો વારંવાર આ રોડ પરથી પસાર થતા હોય, ત્યારે આંખે દેખાય તેવો ભ્રષ્ટાચાર ખુલ્લેઆમ કોની રહેમ નજર હેઠળ આચરવામાં આવી રહ્યો છે તે સમજાતું નથી. શુ આમાં બધાની ભાગ બટાઈ છે? પ્રજાના પરસેવાની કમાણી આ રીતે ભ્રષ્ટાચાર આચરીને છડેચોક ઉડાડવામાં આવી રહી છે. કામ નબળું છે તે એક આમ મા

#Corruption#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews#Bhavnagar#palitana#ROADCONSTRUCTION#MansukhMandviya

News