મોડાસાની SBI બેંકના કર્મચારી લોકો સાથે કરી રહ્યા છે દાદાગીરી

હવે તો સરકારી બેંકના કર્મચારીઓ પણ લોકો સાથે ઉદ્ધતાઈભર્યું વર્તન કરીને દાદાગીરી કરી રહ્યા છે. આ વાત છે અરવલ્લીના મોડાસામાં આવેલી સ્ટેટ બેંક ઓફ ઇન્ડિયાની શાખાની કે જ્યાં બેંકના કર્મચારીઓ પોતાની ભૂલને સ્વીકારવાના બદલે લોકો સાથે દાદાગીરી કરી રહ્યા છે. આ બેંકના કર્મચારીઓની દાદાગીરી બાબતે વાત કરવામાં આવે તો બેંકના એક ખાતાધારક 24-12-18ના રોજ પોતાના EPFના નાણાંનો ચેક બેંકમાં જમા કરાવવા માટે ગયા હતા અને EPFનો ચેક બેંકમાં આપ્યો હતો પરંતુ આ ખાતાધારકનો ચેક 5-1-2019ના રોજ પણ પોતાના ખાતામાં જમા ન થતા તેઓ બેંક પર પહોંચ્યા હતા. બેંકના કોઈપણ કર્મચારીએ તેમને સરખો જવાબ આપ્યો નહીં. જ્યારે એ ખાતાધારકને જાણ થઈ કે, પોતાના EPFની રકમ બીજાના ખાતામાં જમા થઈ ગઈ છે ત્યારે બેંકની આ બેદરકારી વિશે કર્મચારીઓને જાણ કરી પણ તેમણે પણ આ બાબતે કોઈ જવાબ ન આપ્યો. આ કારણે છેવટે તેમને મીડિયાનો સહારો લેવો પડ્યો. મીડિયાકર્મીઓ જ્યારે બેંકની બ્રાન્ચ પર પહોંચી કવરેજ કરતા હતા, તે સમયે બેંકના ગાર્ડે મીડિયાકર્મીઓ સાથે પણ ધક્કામુક્કી કરી હતી અને કવરેજ કરતા અટકાવ્યા હતા.

આ મામલે ભોગ બનનારે મીડિયા સાથે વાતચીત કરતા જણાવ્યું હતું કે, મેં SBIની અંદર 24-12-2018ના રોજ EPF જમા કરવા માટે ચેક આપેલો છે, જે ચેક 5-1-2019ના રોજ પણ મારા ખાતામાં જમા ન થતા છેલ્લા બે દિવસથી હું કારણ જાણવા માટે આવું છું. વારંવાર ધક્કા ખાવા છતાં પણ મને સરખો જવાબ આપવામાં આવ્યો નથી. ઘણા પ્રયત્ન પછી ચેક જમા થયો પણ મારા ખાતામાં નહીં બીજાના ખાતામાં. મારા એક લાખ રૂપિયા બીજાના ખાતામાં જમા થઈ ગયા છે. આ બાબતે રજૂઆત કરવા છતાં પણ મને બેંકના કોઈ અધિકારી પાસેથી સરખો જવાબ મળતો નથી. જેના કારણે મારે મીડિયાનો સહારો લેવો પડ્યો છે.

આ બેંકના બીજા ખાતાધારકોએ મીડિયા સાથે વાતચીત કરતા જણાવ્યુ હતું કે, 15-12-2018ના રોજ મેં એક એપ્લીકેશન મોડાસા ખાતે આપેલી છે, જેમાં મારા મધર ઓફ થઈ ગયા હોવાના કારણે મારા મધરના નામની FDમા મારા ફાધરનું નામ નોમિનેશનમાંથી હટાવીને મેઇનમાં નામ કરવાનું હતું તથા નોમિનેશમાં બાબુભાઈ પટેલનું નામ કરવા માટેની અરજી કરી હતી. બેંકના લોકોએ કહ્યું કે આ પ્રોસેસ અઠવાડિયામાં પૂર્ણ થઈ જશે પરંતુ 5-1-2019ના રોજ જ્યારે હું આવ્યો બેંકના કર્મચારીઓએ મને એમ કહ્યું કે, તમે તમારા ડૉક્યુમેન્ટ ફરીથી અમને આપો.

Know more on https://www.khabarchhe.com
Fo

#LatestGujaratiNews#TrendingNewsinGujarat#LatestNewsinGujarati#GujaratiNews#PoliticalnewsinGujarati#SocialNewsinGujarati#GujaratSamachar#Khabarchhe#KhabarchheNews#Aravalli#Modasa#SBIBank

News