हुतात्मा चौकात नगरमध्ये आंदोंलन,मेरे देश मेरा अपना घर’चा दिला नारा

महाराष्ट्र राज्यातील घरकुलापासून वंचित असलेल्या नागरिकांना त्वरित घरकुलाचा लाभ व्हावा यासाठी काल अहमदनगर येथील हुतात्मा चौकात आंदोलन करण्यात आलं. ‘मेरा देश मेरा अपना घर’ असा नारा देत हे आंदोलकांनी यावेळी घरकुलासाठी मागण्या केल्या.केंद्र आणि राज्य सरकारच्या अनुदानातून २ लाख ६७ हजार घरकुलं वंचितांना देण्याबरोबरच त्यांना दोन लाखाचे बँकेचे घर तारण कर्ज आणि land value capture योजनेचा वापर त्यांच्यासाठी करण्यात यावा अशी मागणी यावेळी करण्यात आली आहे. सरकारी अनुदानाची रक्कम वजा जाता केवळ 3 लाखांपर्यंत घरकुल वंचितांना घर मिळू शकेल, असे स्पष्टीकरण आंदोलनात सहभागी झालेल्या कार्यकर्त्यांनी यावेळी दिले. याशिवाय मुख्यमंत्री उद्धव ठाकरे यांनी राज्यात मुख्यमंत्री आवास योजना जारी करावी तसेच शहरी आणि ग्रामीण भागातील वंचितांना परवडतील अशी घरकुले मिळवून देण्यासाठी त्वरित कार्यवाही करावी यासाठी आंदोलनकर्त्यांनी आवाज उठविला. छत्रपती शिवाजी महाराजांनी रयतेच्या प्रश्नांना फार महत्व दिले त्यामुळे जनता सुखी होती, आज नव्याने मिळालेल्या सरकारकडून याच प्रकरची अपेक्षा आहे असे आंदोलनकर्त्यांनी यावेळी म्हटलं आहे.


Watch हुतात्मा चौकात नगरमध्ये आंदोंलन,मेरे देश मेरा अपना घर’चा दिला नारा With HD Quality

#MetroNews

ಸುದ್ದಿಗಳು