कालभैरवनाथ देवस्थानामध्ये १११ भाविकांना अन्नदान करण्याची संधी

गेल्या पंधरा वर्षांपासून अन्नदानाची परंपरा जपणाऱ्या आगडगाव येथील कालभैरवनाथ देवस्थानामध्ये नवीन वर्षाच्या निमित्ताने १११ भाविकांना अन्नदान करण्याची संधी मिळणार आहे. देवस्थानच्या माध्यमातून दर रविवारी केल्या जाणार्या या अन्नदान उपक्रमासाठी सुमारे ४ ते ६ महिने आगाऊ नोंद केली जाते. याशिवाय अन्नदानाच्या संधीसाठी अनेक भाविक मागणी करत असतात तरीही इच्छा असूनही अनेक भाविकांना अन्नदान करता येत नाही. त्यामुळे नवीन वर्षाचे औचित्य साधून येत्या रविवारी १११ भाविकांना ही संधी देण्यात आली असल्याचं देवस्थानच्या वतीने सांगण्यात आलं. भाविकांसह अन्न्दात्यांचा या उपक्रमास उस्फुर्त प्रतिसाद मिळत असून दर रविवारी केल्या जाणार्या या महाप्रसादाचा सुमारे ८ ते १० हजार भाविक लाभ घेतात. या उपक्रमात सहभागी होण्यासाठी इच्छुकांनी देवस्थानाकडे नाव नोंदणी करावी असंही देवस्थानच्या वतीनं सांगण्यात आलं आहे.

#MetroNews

News