Know what surat mayor Ashmita Shiroya about water hyacinth?

તાપી નદી મધ્ય ભારતની એક મહત્ત્વની નદી છે. નર્મદા અને મહી નદી ઉપરાંત તાપી ત્રીજી એવી મોટી નદી છે જે પૂર્વથી પશ્ચિમ દિશામાં વહે છે. સ્વચ્છતા માટે સુરતને અનેક એવૉર્ડ તો મળે છે પરંતુ શહેરને સ્વચ્છ કરવાના ચક્કરમાં સુરત SMC તાપી નદીને સ્વચ્છ કરવાનું ભૂલી ગઈ હોય તેમ સુરતની જીવાદોરી સમાન તાપી નદીની હાલત કફોડી બની ગઈ છે. તાપી નદીની લંબાઈ છે 724 કિમી છે. તાપી નદીના અસ્તિત્વ પર જોખમ મંડરાઈ રહ્યું છે અને આ જોખમ છે તાપી નદીમાં ઊગી નીકળેલી જળકુંભી. તાપી નદીમાં જળકુંભીનું સામ્રાજ્ય ખૂબ વધી રહ્યું છે. તાપી નદીમાં 3 કિમી જળકુંભીની જાળ વિસ્તરેલી છે પરંતુ તાપી નદીની આ હાલત અને સ્વચ્છતાને લઈને સુરત મહાનગર પાલિકાની કામગીરી પર સવાલ ઊઠ્યા છે. સુરત મહાનગર પાલિકા 2 વર્ષથી તાપી શુદ્ધ કરી રહી છે પરંતુ મહાનગર પાલિકા તાપી સફાઈ કરવામાં નિષ્ફળ નીવડી છે. રન ફોર તાપીમાં મુખ્ય મંત્રી દ્વાર ફાળવવામાં આવેલા 900 કરોડ રૂપિયા વાતો બનીને રહી ગયા છે. શાસ્ત્રો અનુસાર તાપી નદીના સ્મરણથી લોકોના પાપ દૂર થાય છે પરંતુ અત્યારે ખુદ તાપી નદીને કોના પાપની સજા મળી રહી છે? પ્રદૂષણ નિયંત્રણ બોર્ડ દ્વારા તાપી નદીને પ્રદૂષિત નદીઓની લિસ્ટમાં સામેલ કરવામાં આવી છે. જળકુંભીના કારણે તાપી નદીનું પાણી પીવાલાયક નથી. મહાનગર પાલિકા દ્વારા ગટરના પાણીના આઉટલેટ બંધ કર્યા વિના જ તાપી સફાઈના નામે કરોડો રૂપિયાનું પાણી થાય છે.

#GujaratiNews#Khabarchhe#GujaratiPeoplesBlogsVideo

Vlogs