न.प. पाणी पुरवठा विभागास कुलूप ठोकल्याचे प्रकरण, शिवसेना नागरसेवकांविरुद्ध गुन्हे दाखल

विदर्भ न्यूज एक्सप्रेस
तालुका प्रतिनिधी / वरोरा : सहा महिन्यापूर्वी पाईप लाईनने पाणी पुरवठा करण्याचे आश्वासन पालिका प्रशासनाने देऊन पाणी पुरवठा सुरु केला नाही. या प्रकरणी शिवसेना नगरसेवकांनी महिलांना सोबत घेऊन मोर्चा काढत न.प. पाणी पुरवठा विभागास कुलूप ठोकले होते. या प्रकरणी वरोरा पोलीस स्टेशन मध्ये तक्रार देण्यात आली . या तक्रारीवरून शिवसेना नगरसेवकांविरुद्ध गुन्हे दाखल करण्यात आले.
वरोरा शहरातील राजीव गांधी वॉर्डात पाणी पुरविण्याकरिता पाईप लाईन टाकण्यात आली. या पाईप लाईन मधून दोन महिन्यात पाणी देऊ, असे आश्वासन पालिका प्रशासनाच्या वतीने सहा महिन्यापूर्वी दिले होते. सध्या उन्हाळ्याची चाहूल लागल्याने वार्डातील नागरिकांना पाण्याकरिता भटकंती करावी लागत असल्याने शिवसेना गटनेते गजानन मेश्राम, नगरसेवक राजू महाजन, नगरसेवक पंकज नाशिककर आदींनी न.प. पाणी पुरवठा विभागास जाब विचारण्याकरिता महिलांसोबत घेऊन मोर्चा काढला. कार्यालयातील साहित्य अस्ताव्यस्त करीत न.प. पाणी पुरवठा विभागास कुलूप लावले होते. या घटनेचा पालिका कर्मचाऱ्यांनी आज निषेध व्यक्त करीत काळ्या फिती लावल्या होत्या. याबाबत पाणी पुरवठा अभियंता आशिष गेडाम यांनी वरोरा पोलिसात तक्रार दिल्यानंतर नगरसेवक गजानन मेश्राम, राजू महाजन, पंकज नाशिककर व इतरांविरुद्ध कलम ३४१,१४१,१४३,४२७ गुन्हा नोंदविला आहे. जनतेच्या कामाकरिता कितीही गुन्हे दाखल झाले तरी मागे हटणार नाही. प्रशासन याच पद्धतीने वागले तर शिवसेना आपल्या स्टाईलने उत्तर देऊन जनतेचे कामे करीत राहील असे नगरसेवक राजू महाजन यांनी व्यक्त केले.Watch न.प. पाणी पुरवठा विभागास कुलूप ठोकल्याचे प्रकरण, शिवसेना नागरसेवकांविरुद्ध गुन्हे दाखल With HD Quality

#marathinews#VNXMARATHINEWSCHANNEL

خبریں